Prahladacaritra 87
Prahlādacaritra 87
- Language
- Sanskrit
87
prahlāda uvāca
sarvavyāpin jagadrūpa jagatsraṣṭarjanārdana .
pāhi viprānimānasmādduḥsahānmantrapāvakāt ..
yathā sarveṣu bhūteṣu sarvavyāpī jagadaguruḥ .
viṣṇureva tathā sarve jīvantvete purohitāḥ ..
yathā sarvagataṃ viṣṇuṃ manyamāno'napāyinam .
cintayāmyaripakṣe'pi jīvantvete purohitā- ..
ye hantumāgatā dattaṃ yairviṣaṃ yairhutāśanaḥ .
yairdiggajairahaṃ kṣuṇṇo draṣṭaḥ sarpaśca yairapi ..
teṣvahaṃ mitrabhāvena samaḥ pāpo'smi na kvacit .
yathā tanādya satyena jīvantvasurayājakāḥ ..
Linked texts (1)
- Viṣṇupurāṇa (critical edition) — Sanskrit