Devimimamsa 1.10

1.10

tasmājjñānena sahitaṃ jñātvā svātmānamuddhava !
jñānavijñānasampanno bhaja māṃ bhaktibhāvataḥ
jñānavijñānayajñena māmiṣṭvātmānamātmani
sarvayajñapatiṃ māṃ vai saṃsiddhiṃ munayo'gaman
bhaktiṃ labdhavataḥ sādhoḥ kimanyadavaśiṣyate
mayyanantaguṇe brahmaṇyānandā'nubhavātmani
samādhinirdhūtamalasya cetaso
niveśitasyātmani yatsukhaṃ bhavet
na śakyate varṇayituṃ girā tadā
svayaṃ yadantaḥkaraṇena gṛhyate
tadā pumānmuktasamastabandhanaḥ
tadbhāvabhāvānukṛtāśayākṛtiḥ
nirdagdhabījānuśayo mahīyasā
bhaktiprayogeṇa sametyadhokṣajam
adhokṣajālambhamihā'śubhātmanaḥ
śarīriṇaḥ saṃsṛticakrasādhanam
tadbrahmanirvāṇasukhaṃ vidurbudhāḥ
tato bhajadhvaṃ hṛdaye hṛdīśvaram
vinirdhutā'śeṣamanomalaḥ pumān
asaṅgavijñānāviśeṣavīryavān
yadaṅghrimūle kṛtaketanaḥ punarna saṃsṛtiṃ kleśavahāṃ prapadyate
yadā ratirbrahmaṇi naiṣṭhikī pumān
ācāryavān jñānavirāgaraṃhasā
dahatyavīryaṃ hṛdayaṃ jīvakośaṃ
pañcātmakaṃ yonimivotthito'gniḥ
vaidhīrāgātmikā-nāma-bhinnā sādhanalabhyā gauṇī