Devimimamsa 1.18.3

1.18.3

mayā pramādātpraṇayena vāpi
yaccāvahāsārthamasatkṛto'si
vihāraśayyāsanabhojaneṣu
eko'thavāpyacyuta ! tatsamakṣaṃ
tatkṣāmaye tvāmahamaprameyam
tā manmanaskā matprāṇā madarthe tyaktadaihikāḥ
māmeva dayitaṃ preṣṭhamātmānaṃ manasā gatāḥ
ye tyaktalokadharmmāśca madarthe tānbibharmmyaham
mayi tāḥ preyasāṃ preṣṭhe dūrasthe gokulastriyaḥ
smarantyo'ṅga vimuhyanti vira hautkaṇṭhyavihvalāḥ
dhārayantyatikṛcchreṇa prāyaḥ prāṇān kathaṃcana
pratyāgamanasandeśairvallavyo me madātmikāḥ
smaredasantaṃ sthirajaṅgameṣu
śṛṇoti tatpuṇyakathāḥ sa karṇaḥ
śirastu tasyobhayaliṅgamānamettadeva yatpaśyati taddhi cakṣuḥ
aṅgāni viṣṇoratha tajjanānāṃ
pādodakaṃ yāni bhajanti nityam
vāṇī guṇānu Ambros kathanaṃ śravaṇau kathāyāṃ
hastau ca karmasu manastava pādayornaḥ
smṛtyāṃ śirastava nivāsajagatpraṇāme
dṛṣṭiḥ satāṃ darśane'stu bhavattanūnām
nivṛttatarṣairupagīyamānādbhavauṣadhācchrotramano'bhirāmāt
ka uttamaślokaguṇānuvādātpumānvirajyeta vinā paśughnāt
tasminmahanmukharitā madhubhiccaritrapīyūṣaśeṣasaritaḥ paritaḥ sravanti
tā ye pivantyavitṛṣo nṛpa ! gāḍhakarṇaistānnaspṛśantyaśanatṛḍbhayaśokamohāḥ
namastubhyaṃ pareśāya namo mahyaṃ śivāya ca
pratyak caitanyarūpāya mahyameva namo namaḥ
mahyantubhyamanantāya mahyantubhyaṃ śivātmane
namo devā'dhidevāya parāya paramātmane
śṛṇu kānte pravakṣyāmi yaṃ dhyāyāmi surottamam
āśutoṣaṃ maheśānaṃ girijāvallabhaṃ hṛdi
kadāciddevadevo māṃ dhyāyatyamitavikramaḥ
dhyāyāmyahaṃ ca deveśaṃ śaṅkaraṃ tripurāntakam
śivasyā'haṃ priyaḥ prāṇaḥ śaṅkarastu tathā mama