Devimimamsa 1.21

1.21

advaita bhāvaprada tanmayāsaktirūpa bhāvasāgara meṃ unmaadhokṣajālambamihā'śubhātmanaḥ śarīriṇaḥ saṃsṛticakraśātanam
tadbrahmanirvāṇasukhaṃ vidurbhudhāstato bhajadhvaṃ hṛdaye hṛdīśvaram
tvaṃ pratyagātmani tadā bhagavatyananta
ānandamātra upapannasamastaśaktau
bhaktiṃ vidhāya paramāṃ śanakairavidyāgranthiṃ vibhotsyasi mamā'hamiti prarūḍham
muktāśrayaṃ yahi nirviṣayaṃ viraktaṃ
nirvāṇamṛcchati manaḥ sahasā yathā'rciḥ
ātmānamatra puruṣo'vyavadhānamekamanvīkṣate pratinivṛttaguṇapravāhaḥ
so'pyetayā caramayā manaso nivṛttyā
tasmin mahimranyavasitaḥ sukhaduḥkhavāhye
hetutvamapyasati kartari duḥkhayoryat
svātman vidhatta upalabdhaparātmakāṣṭhaḥ
vāsudeve bhagavati bhaktiyogaḥ prayojitaḥ
janayatyāśu vairāgyaṃ jñānaṃ yadbrahmadarśanam
yadā'sya cittamartheṣu sameṣvindriyavṛttibhiḥ
na vigṛhṇāti vaiṣamyaṃ priyamapriyamityuta
sa tadaivā''tmanā''tmānaṃ niḥsaṅgaṃ samadarśanam
heyopādeyarahitamārūḍhaṃ padamīkṣate
jñānamātraṃ paraṃ brahma paramātmeśvaraḥ pumān
dṛśyādibhiḥ pṛthagbhāvairbhagavāneka īyate
sarvabhūtasthamātmānaṃ sarvabhūtāni cā''tmani
paśyati yogayuktā''tmā sarvatra samadarśanaḥ
parā'nuraktyā māmeva cintayedyo hyatandritaḥ
svā'bhedenaiva māṃ nityaṃ jānāti na vibhedataḥ
mayi premākulavani romāñcitatanuḥ sadā
premāśrujalapūrṇākṣaḥ kaṇṭhagadgadanisvanaḥ
uccairgāyeśca nāmāni mamaiva khalu nṛtyati
ahaṃkārādirahito dehatādātmyavarjitaḥ
iti bhaktistu yā proktā parabhaktistu sā smṛtā
yasyāṃ devā'tiriktantu na kiñcidapi bhāvyate
itthaṃ jātā parābhaktiryasya bhūdhara ! tattvataḥ
tadaiva tasya cinmātre madrūpe vilayo bhavet
bhaktestu yā parākāṣṭhā saiva jñānaṃ prakīrttitam
vairāgyasya ca sīmā sā jñāne tadubhayaṃ yataḥ
sarveṣāmekatraiva paryavasānam