Aitareya Āraṇyaka 5.2.2

5.2.2

rāthantaro dakṣiṇaḥ pakṣaḥ \
abhi tvā śūra nonumo (RV VII 32,22a), 'bhi tvā pūrvapītaya (RV VIII 3,7a) iti rathantarasya stotriyānurūpau pragāthau.
catasraḥ satīḥ ṣaḍ bṛhatīḥ karoti \
indrasya nu vīryāṇi pra vocaṃ (RV I 32,1a), tve ha yat pitaraś cin na indra- (RV VII 18,1a) -iti pañcadaśa.
yas tigmaśṛṅgo vṛṣabho na bhīma (RV VII 19,1a), ugro jajñe vīryāya svadhāvān (RV VII 20,1a), ud u brahmāṇy airata śravasya- (RV VII 23,1a), -ā te maha indro 'ty ugra- (RV VII 25,1a) -iti pañca sūktāni \
ā na indro dūrād ā na āsād (RV IV 20,1) iti saṃpātaḥ \
itthā hi soma in mada (RV I 80,1a) iti paṅktiḥ \
sūdadohāḥ \
bārhata uttaraḥ \
tvām id dhi havāmahe (RV VI 46,1a), tvaṃ hy ehi cerava (RV VIII 61,7a) iti bṛhataḥ stotri/yānurūpau pragāthau \
catasraḥ satīḥ ṣaḍ bṛhatīḥ karoti \
tam u ṣṭuhi yo abhibhūtyojāḥ (RV VI 18,1a), suta it tvaṃ nimiśla indra soma (RV VI 23,1a) iti trīṇy.
abhūr eko rayipate rayīṇām (RV VI 31,1a) ity aṣṭau sūktāni \
kathā mahām avṛ/dhat kasya hotur (RV IV 23,1a) iti saṃpātaḥ \
indro madāya vāvṛdha (RV I 81,1a) iti paṅktiḥ \
sūdadohāḥ \
rāthantaro dakṣiṇaḥ pakṣaḥ pañcadaśastoma.
ekaśataṃ vasiṣṭhaprāsāho.
bārhata uttaraḥ saptadaśastomo.
dviśataṃ bharadvāja/prāsāhaḥ \
bhadraṃ puchaṃ dvipadāsu \
imā nu kaṃ bhuvanā sīṣadhāma- (RV X 157,1a), -ā yāhi vanasā saha- (RV X 172,1a) -iti nava samāmnātāḥ \
athāsamāmnātāḥ \
prá va índrāya vṛtrahántamāya, víprā gātháṃ gāyata yáj jújoṣat \\ 1 \\
árcanty arkáṃ devátāḥ svarkā́, ā́ stobhati śrutó yúvā sá índraḥ \\ 2 \\
úpa prakṣé mádhumati kṣiyántaḥ, púṣyanto rayíṃ dhīmáhe tám indra \\ 3 \\
viśvátodāvan viśváto na ā́ bhara, yám tvā śáviṣṭham ī́mahe \\ 4 \\
sá supráṇīte nṛ́tamaḥ svarā́ḷ asi, máṃhiṣṭho vā́jasātaye (RV VIII 4,18d; 88,6d) \\ 5 \\
tváṃ hy éka ī́śiṣe (RV IV 32,7a), sanā́d ámṛkta ójasā \\ 6 \\
víśvasya prá stobha vidvā́n purā́ vā yádi vehā́sa nūnám \\ 7 \\
íṣaṃ no mitrā́váruṇā kártanéḷāṃ, pī́varīm íṣaṃ kṛṇuhī́ na indra \\ 8 \\
śáṃ padáṃ magháṃ rayiṣáṇi ná sómo, avratáṃ hinoti ná spṛśadrayíḥ \\ 9 \\
eṣa brahmā- -iti tisraḥ.
ā dhūrṣv asmā (RV VII 34,4a) ity ekā \
sūdadohāḥ \
yad vā/vāna- (RV X 74,6a) -iti dhāyyā \ sūdadohāḥ \\ 2 \\