Taittirīya Āraṇyaka 4.42.3

4.42.3

dyubhír aktúbhiḥ pári pātam asmā́n áriṣṭebhir aśvinā sáubhagebhiḥ \
tán no mitró váruṇo māmahantām áditiḥ síndhuḥ pṛthivī́ utá dyáuḥ \
káyā naś citrá ā́bhuvad ūtī́ sadā́vṛdhaḥ sákhā \
káyā śáciṣṭhayā vṛtā́ \
kás tvā satyó mádānāṃ mám̐hiṣṭho matsad ándhasaḥ \
dṛḍhā cid ārúje vásu \
abhī́ ṣú ṇaḥ sákhīnām avitā́ jaritṛṛṇā́m \
śatáṃ bhavāsy ūtíbhiḥ \
váyaḥ suparṇā́ úpasedur índraṃ priyámedhā ṛṣayo nā́dhamānāḥ \
ápa dhvāntám ūrṇuhí pūrdhí cákṣur mumugdhy àsmān nidháyeva baddhā́n \ ūrṇuhi ???