Atharvavedabrahmana 1.10

1.10

sa diśo'nvaukṣata prācīṃ dakṣiṇāṃ pratīcomudīcīṃ dhruvāmūrddhāmiti| tāstathaivābhyaśrāmyadabhyatapattamatapattābhyaḥ śrāntābhyastaptābhyaḥ
santaptābhyaḥ pañca vedānniramimata sarpavedaṃ piśācavedamasuravedamitihāsavedaṃ purāṇavedamiti| sa khalu prācyā eva diśaḥ sarpavedaṃ niramimata, dakṣiṇasyāḥ piśācavedaṃ, pratīcyā asuravedamūdīcyā itihāsavedaṃ, dhruvāyāñcorddhāyāśca purāṇavedaṃ(4) | sa tān pañca vedānabhyaśrāmyadabhyatapattamatapattebhyaḥ śrāntebhyastaptebhyaḥ santaptebhyaḥ pañca
mahāvyāhṛtīrnirmimata vṛdhat karad guhan mahat taditi | vṛdhaditi
sarpavedāt, karaditi piśācavedāt, guhadityāsuravedāt, mahaditītihāsavedāt, taditi purāṇavedāt, sa ya icchetsarvairetaiḥ pañcabhirvedaiḥ
kurvīyetyetābhireva taṃ mahāvyāhṛtibhiḥ kurvīta sarvairha vā asyaitaiḥ
pañcabhirvedaiḥ kṛtaṃ bhavati ya evaṃ veda yasyaivaṃ vidvānevametābhirmahāvyāhṛtibhiḥ kurute