Atharvavedabrahmana 12.11-2

12.11-2

athāta ekāhasyaiva ṭṭatīyasavanaṃ, devā'surā vā eṣu lokeṣu
samayanta | te devā asurānabhyajayan | te jitā ahorātrayoḥ
sandhiṃ samabhyavāguḥ | sa hendra uvāca, ime vā asurā ahorātrayoḥ
sandhiṃ samabhyavāguḥ kasmāhaṅgemānasurānabhyutthāsyāmahtīti
ahañcetyagnirabravīt, ahañceti varuṇaḥ, ahaṃ ceti vṛhaspatiḥ, ahaṃ
ceti viṣṇuḥ | tānabhyutthāyāhorātrayoḥ sandhernirjaghnuḥ | yadabhyutyāyāhorātrayoḥ sandhernirjaghnuḥ, tasmādvṛṣyā abhyutthāya ha vai dviṣantaṃ
bhrātṛvyaṃ nirhanti(1), ya evaṃ veda | sognirakho bhūtvā prathamaḥ
prajigāya | yadagnirakho bhūtvā prathamaḥ prajigāya, tasmādāgneyobhirukthāni praṇayanti | yadagnirakho bhūtvā prathamaḥ prajigāya, tasmātsākamaśvaṃ | yatpañca devatā abhyuttasthuḥ(2), tasmātpañca devatā ukthe
śasyante | yā vāk sogniḥ, yaḥ prāṇaḥ sa varuṇaḥ, yanmanaḥ sa indraḥ,
yaccakṣuḥ sa vṛhaspatiḥ, yacchrotraṃ sa viṣṇuḥ | ete ha vā etān
pañcabhiḥ prāṇaiḥ samoryyotthāpayan | tasmādu ha evaitāḥ pañca devatā
ukthe śasyante