Atharvavedabrahmana 12.23

12.23

tadāhuḥ, kindevalyo yajña iti | aindra iti brūyāt, aindre vāva
yajñe sati yathābhāgamanyā devatā nvavāyan | tā prātaḥsavane
marutvatīye tṛtīyasavane ca | atha haitat kevala mevendrasya, yadūrdhvaṃ marutvatīyāt | tasmāt sarve niṣkevalyamani śaṃsanti | yadeva niṣkevalyāni, tat svargasya lokasya (2) rūpaṃ | ya hevaniṣkevalyani, ekaṃ
ha vā agre savanamāsīt prātaḥsavanameva | atha haitaṃ prajāpatirindrāya jyeṣṭhāya putrāyaitat savanaṃ niramimata, yan mādhyandinaṃ savanaṃ
tasmān mādhyandine savane sarve niṣkevalyrāni śaṃsanti | yadeva
niṣkevalyrāni, tat svargasya lokasya rūpaṃ | yaddeva niṣkevalyrāni,
yā ha vai devatāḥ prātaḥsavane hotā śaṃsati, tāḥ śastvā hotrāśaṃsino'nuśaṃsanti | maitrāvaruṇaṃ tṛcaṃ pra u ge hotā śaṃsati, tadubhayaṃ
maitrāvaruṇaṃ | maitrāvaruṇaṃ maitrāvaruṇo'nuśaṃsati | aindraṃ tṛcaṃ pra u
ge hotā śaṃsati, tadubhayamaindraṃ | aindraṃ brāhmaṇācchaṃsyanuśaṃsati,
aindrāgnaṃ tṛcaṃ pra u ge hotā śaṃsati, tadubhayamaindrāgnaṃ | aindrāgnamacchāvāko'nuśaṃsati | atha haitat kevalamevendrasya, yadūrddhaṃ marutvatīyā | tasmāt sarve niṣkevalyrāni śaṃsanti | yadeva niṣkevalyrāni,
tat svargasya lokasya rūpaṃ | yaddeva niṣkevalyrāni, yaddedadevīrabhisaṃhiṣṭhamāyā athābhavat kevalaḥ somo asyeti ṛcābhyanūktaṃ | devān
ha yajantanvānā asurarakṣāṃsyajighāṃsan | te'bruvan, vāmadevaṃ tvaṃ
na imaṃ yajñaṃ dakṣiṇato gopāyeti, madhyato vasiṣṭhaṃ, uttarato
bharadvājaṃ, sarvānanu viśvāmitraṃ | tasmān maitrāvaruṇo vāmadevāt
pracyavate, vasiṣṭhādbrāhmaṇācchaṃsī, bharadvājādacchāvākaḥ, sarve viśvāmitrāt | eta evāsmaitadṛṣayo haraharnnamagā apramattā yajñaṃ
rakṣanti, ya evaṃ veda ya evaṃ veda