Atharvavedabrahmana 4.8

4.8

ekapād dvipada iti vāyurekapāttasyākāśaṃ pādaścandramā
dvipāttasya pūrvvapakṣāparapacau pādāvādityastripāttasyeme lokāḥ
pādā agniḥ ṣaṭpādastasya pṛthivyantarikṣaṃ dyaurāpa oṣadhivanaspataya imāni bhūtāni pādāsteṣāṃ sarveṣāṃ vedā gatirātmā pratiṣṭhitāścatasro brahmaṇaḥ śākhā, atho āhuḥ ṣaḍiti mūrttirākāśasyetyṛcā mūrttiryājuṣī gatiḥ sāmamayantejo bhṛgvaṅgirasāmāpaitad brahmaiva
yajñaścatuṣpād hiḥ saṃsthita iti | tasya bhṛgvaṅgirasaḥ saṃkhye atho
āhurekasaṃsthita iti, yaddhotarccā maṇḍalaiḥ karoti pṛthivīṃ tenāpyāyayati etasyāṃ hyagniścarati
tadapyetadṛcoktam | agnivāsāḥ pṛthivyasi tanūriti
yadadhvaryyuryajuṣā karotyantarikṣaṃ tenāpyāyayati tasminvāyurrna
niviśate katamacca nāha iti
tadapyetadṛcoktaṃ | antarikṣe pathibhirḍīyamāṇo (1) na niviśate katamacca nāhaḥ | apāṃ yoniḥ prathamajā ṛtasya ka svijjātaḥ kuta ābabhūveti
yadudgātā sāmnā karoti divaṃ tenāpyāyayati tatra hyādityaḥ
śukraścarati
tadapyetadṛcoktaṃ | uccāyataṃ tamaruṇaṃ suparṇamiti | yad
brahmarcā kāṇḍaiḥ karotyapastenāpyāyayati candramā hyapsu carati
tadapyetadṛcoktam | candramā apsvantariti | tāsāmoṣadhivanaspatayaḥ kāṇḍāni, tato mūlakāṇḍaparṇapuṣpaphalapraroharasagandhairyajño varttate'dbhiḥ karmāṇi pravarttante'dbhiḥ somo
viṣūyate, tad yad brahmāṇaṃ karmaṇi varmaṇyāmantrayatyapastenānujānātyeṣo hyasya bhāgastadyathā bhokṣyamāṇo'pa eva prathamamācāmayedatha upariṣṭādevaṃ yajño'dbhireva pravarttate'psu saṃsthāpyate tasmād
brahmā purastāḍomasaṃsthitahomairyajño varttate'ntarā hi purastāḍomasaṃsthitahomairyajñaṃ parigṛhṇātyantarā hi bhṛgvaṅgirasaḥ vedāno duhya(1)
bhṛgvaṅgirasaḥ somapānaṃ manyante somātmako hyayaṃ veda
tadapyetadṛcoktaṃ | somaṃ manyate papivāniti
tadyathemāṃ pṛthivīmuddīptāṃ jyotiṣā dhūmāyamānāṃ varṣaṃ śamayatyevam brahmā bhṛgvaṅgirobhirvyāhṛtibhiryajñasya viriṣṭaṃ śamayatyagnirādityāya ma ityete'ṅgirasa eta idaṃ sarvaṃ samāpnuvanti, vāyurāpaścandramā ityete bhṛgava eta idaṃ sarvaṃ samāpyāyantyekameva saṃsthaṃ bhavatīti brāhmaṇam