Atharvavedabrahmana 5.23

Atharvavedabrāhmaṇa 5.23

Language: Sanskrit

5.23

sāntapanā idaṃ havirityeṣa ha vai sāntapano'gniryad brāhmaṇo
yasya garbhādhānapuṃsavanasīmantonnayanajātakarmanāmakaraṇaniṣkramaṇānnaprāśanagodānacūr̤ākaraṇopanayanāplavanāgnihotravratacaryyādīni kṛtāni bhavanti, sa sāntapano'tha yo'yamanagnikaḥ sa kumbhe loṣṭaḥ, tadyathā
kumbhe loṣṭaḥ prakṣipto naiva śaucārthāya kalpate naiva śasyaṃ nirvarttayatyevamevāyaṃ brāhmaṇo'nagnikastasya brāhmaṇasyānagnikasya naiva daivaṃ dadyānna
pitryaṃ na cāsya svādhyāyāśiṣo na yajña āśiṣaḥ svargaṅgamā bhavanti
tadapyetadṛcoktam | agniṃ dūtaṃ vṛṇīmahe hotāraṃ viśvavedasaṃ
asya yajñasya sukratumiti brāhmaṇam

Previous: 5.22
Next: 5.24
Up: 5

Linked texts (1)

Gopathabrāhmaṇa (ed. Gaastra 1919) — Sanskrit