Atharvavedabrahmana 8.15

8.15

atha saṃsthite saṃsthite savane vācayati mayi bhargo mayi maho
mayi yaśo mayi sarvvamiti pṛthivyeva bhargo 'ntarikṣa eva maho dyaureva
yaśo'pa eva sarvvamagnireva bhargo vāyureva maha āditya eva yaśaścandramā eva sarvaṃ vasava eva bhargo rudrā eva maha ādityā eva yaśo
viśvedevā eva sarvaṃ gāyatreva bhargastriṣṭubheva maho jagatyeva yaśo'nuṣṭubheva sarvvaṃ prācyeva bhargaḥ pratīcyeva maha udīcyeva yaśo dakṣiṇaiva
sarvvaṃ vasanta eva bhargo grīṣma eva maho varṣā eva yaśaḥ śaradeva
sarvvaṃ trivṛdeva bhargaḥ pañcadaśa eva mahaḥ saptadaśa eva yaśa ekaviṃśa eva
sarvvamṛgveda eva bhargo yajurveda eva mahaḥ sāmaveda eva yaśo
brahmaveda eva sarvaṃ hoteva bhargo'dhvaryureva maha udgāteva yaśo
brahmaiva sarvaṃ vāgeva bhargaḥ prāṇa eva mahaścakṣureva yaśo mana eva
sarvam