Atharvavedabrahmana 8.24

8.24

sāyaṃ prātarhomau sthālīpāko navañca yaḥ | baliśca pitṛyakṣaśvāṣṭakā saptamaḥ paśurityete pākayajñāḥ | agnyādheyamagnihotraṃ paurṇamāsyamāvāsye | naveṣṭiścāturmāsyāni paśubandho'tra saptamaityete haviryajñāḥ | agniṣṭomo'tyagniṣṭoma ukthyaḥ ṣoḍaśimāṃstataḥ | vājapeyo'tirātraśvāptoryāmāca saptama ityete
sutyāḥ | ke sviddevāḥ pravovājāḥ ke sviddevā abhidyavaḥ | kesviddevā
haviṣmantaḥ kiṃsvijjagati sunmayaḥ | ṛtava eva pravovājā
māsā devā abhidyavaḥ | arddhamāsā haviṣmantastajjagati
sunmayaḥ | katistridrātrayaḥ katyahāni kati stotrāṇi katiśastrāṇyasya | katicitsavanāḥ saṃvatsarasā stotriyāḥ padākṣarāṇi katyasya | dvāvatirātrau ṣaṭśatamagniṣṭomā dveviṃśatiśate ukthānāṃ | dvādaśaṣoḍaśinaḥ ṣaṣṭiḥ ṣaḍahā vaipuvatañca | ahānyasya viṃśatiśatāni trīṇyahvayaikaṃ tāvadasya
saṃvatsarasya savanāḥ sahasramaśīti trīṇi ca saṃstūtasya | ṣaṭṣaṣṭiśca dve ca śate ca bhavata stata śastrāṇāmayutaṃ caikamasya
stotriyāśca navatisahasrā dve niyute navatiśvātiṣaṭ ca
aṣṭau śatāntyayutāni triṃśaccaturnavatiśca padānyasya | saṃvatsarasā kavibhirbhitasyaitāvatī madhyamā devamātrā | ayutamekaṃ
prayutāni triṃśad dve niyute tathā hyanusṛṣṭāḥ | aṣṭau śatāni
nava cākṣarāṇya tāvānātmā paramaḥ prajāpateḥ | ādyaṃ vaṣaṭkāraḥ pradānantanmetamagniṣṭome parvaśaḥ sandhu klṛptaṃ | sobheṣajaṃ
chanda īpsanyadagno catuḥśataṃ bahudhā hūyate yat | prātaḥsavanastutaekaviṃśo gāyatrastotramita eka eva | mādhyandinaḥ saptadaśena
klṛptastrayastriṃśena savanaṃ tṛtīyam
śraddhāyāṃ retastapasā tapasvī vaiśvānaraḥ siṣice'patyamīpsan | tato yajñe lokajitsomajambhā ṛṣerṛṣiraṅgirāḥ
sambabhūva | ṛṣeryajñasā caturvidhasā śraddhāṃ yaḥ śreyasīṃ lokamamuṃ jigāya | yasmai vedāḥ prasṛtāḥ somavindvyuktā vahanti sukṛtāmulokaṃ | ṛco'sya bhāgāṃścaturo vahantyukthaśastraiḥ pramudo modamānāḥ | grahairhavirbhiñca kṛtākṛtañca yajūṃṣi bhāgāṃścaturo
vahanti | audumbayyāṃ sāmaghoṣeṇa tāvat saviṣṇutibhiśca stomaiḥ
chandasā | sāmāni bhāgāṃścaturo vahanti gītyā stomena
saha prastāvena ca | prāyaścittairbhaiṣajaiḥ saṃstavanto'tharvāṇo'ṅgirasaśca śāntāḥ | brahmā brahmatvena pramudo modamānā asaṃsṛṣṭān
bhāgāṃścaturo vahanti | yo brahmavit so'bhikaro'stu vaḥ śivo dhiyā dhīro rakṣatu dharmametaṃ | mā vaḥ pramattāmamṛtācca yajñāt
karmmācca yenānaṅgiraso'pidyāsīt | māyaṃ dṛśaṃ mārugastāḥ
prameṣṭhā mā me bhūryuktā vidadhāya lokān | divyaṃ bhayaṃ rakṣata
dharmamudyataṃ yajñaṃ kalāśastutigopalāyanaṃ | hotā ca maitrāvaruṇaśca pādamacchāvākaḥ saha grāvastataikāṃ | ṛgbhistuvanto aharahaḥ
pṛthivyāḥ agniṃ pādaṃ brahmaṇā dhārayanti | adhvaryyuḥ pratiprasthātā neṣṭonetā nihitaṃ pādamekaṃ | samantarikṣaṃ yajuṣā
stavanto vāyuṃ pādaṃ brahmaṇā dhārayanti | sāmnodgātā cchādayanna
pramatta audumbayyāṃ stobhadeyaḥ sagadgadaḥ | vidvān prastotā
vidadhāya suṣṭutiṃ subrahmaṇyaḥ pratiharttā'dya yacca | sāmnā divyekaṃ nihitaṃ nistuvantaḥ sūryyaṃ pādaṃ brahmaṇā dhārayanti | brahmāikaṃ
brāhmaṇācchaṃ sinaḥ saha potrā''gnīdhro nihitaṃ pādamekaṃ | atharvabhiraṅgirobhiśca gupto'psu candraṃ pādaṃ brahmaṇa dhārayanti
ṣoḍaśikaṃ hotrakā abhiṣṭuvanti vedeṣu yuktāḥ pṛthak caturddhā
manīṣiṇo dīkṣitāḥ śraddadhānā hotāro guptā abhivahanti
yajñaṃ | dakṣiṇato brahmaṇasāṃ janadityetāṃ vyāhṛtiṃ japan
saptadaśaṃ sadasraṃ taṃ kīrttayanti purā viduḥ | aṣṭādaśo
dīkṣito dīkṣitānāṃ yajñe patnī śraddhāniha yuktā | ekonaviṃśaḥ śamitā babhūva viṃśo yajñe gṛhapatireva sunvan | ekaviṃśatirevaiṣāṃ saṃkhyāyāmaṅgiṅgiro vaha | vedairbhiṣṭuto loko
nānāvegāparājitaḥ