Atharvavedabrahmana 9.1

9.1

samāptamidaṃ gopathabrāhmaṇapūrvvarddham
atha yad brahmasadanātṛṇaṃ nirasyati śodhayatyevainaṃ tadyopaviśatodamahamarvāgvasoḥ sadane sīdāmītyarvāgvasurha vai devānāṃ brahmā
parāgvasurasurāṇāṃ tamevaitat pūrvaṃ sādayatyariṣṭaṃ yajñantanutādityathopaviśya japati bṛhaspatirbrahmeti bṛhaspatirvā āṅgiraso
devānāṃ brahmā tasminnevaitadanujñāmicchati praṇītāsu praṇīyamānāsu vācaṃ yacchatyā haviṣkṛta udvādanādetadvai yajñasya dvāraṃ tadetadaśūnyaṃ karotīṣṭe ca sviṣṭakṛtyānuyājānāṃ prasavādityetadvai yajñasya
dvitīyaṃ dvārantadevaitadaśūnyaṃ karoti yat paridhayaḥ paridhīyante
yajñasya gopīthāya paridhīn paridhatte yajñasya sātmatvāya
paridhīn saṃmārṣṭi punātyevainaṃ dvirmadhyamaṃ traya ime prāṇāḥ prāṇā
nevābhinayati trirdakṣiṇārddhaṃ trayo vai lokā lokānivābhinayati
triruttarārddhaṃ trayo vai devalokā devalokānivābhinayati trirupa
vā jayati trayo vai devayānāḥ panthānastānevābhinayati te vai
dvādaśa bhavanti dvādaśa ha vai māsāḥ saṃvatsaraḥ saṃvatsarameva tena
prīṇātyatho saṃvatsaramevāptyā upadadhāti svargasya lokasya
samaṣṭyai