Atharvavedabrahmana 9.23

9.23

aindro vā eṣa yajñakratuḥ, yat sākamedhāḥ, tadyathā mahārājaḥ
purastāt senānīkāni vyūhyābhayaṃ panthānamanvi yāt, evamevaitat
purastād devatā yajante, tad yathaivādaḥ somasya mahāvratam, evamevaitadiṣṭimahāvratam | atha yadagnimanīkavantaṃ prathamaṃ devatānāṃ
yajati, agnirvai devānāṃ mukhaṃ, mukhata eva taddevān prīṇāti | atha
yanmadhyandine marutaḥ sān Santanatpanān yajati(1), indro vai marutaḥ sāntapanāḥ, aindraṃ mādhyandinaṃ, tasmādenāninyeṇopasaṃhitān yajati,
atha yat sāyaṃ gṛhamedhīyena caranti, (2) puṣṭikarma vai gṛhamedhīyaḥ,
sāyampoṣaḥ paśūnāṃ, tasmāt sāyaṃ gṛhamedhīyena caranti | atha
yacchrobhūte gṛhamedhīyasya (3) niṣkāsamiśreṇa pūrṇadarvyā (4) caranti,
pūrvedyuḥ karmaṇaivaitat prātaḥkarmopasantanvanti | atha yat prātarmarutaḥ
krīr̤ino yajati, indro vai marutaḥ krīr̤inaḥ, tasmādenāninyeṇopasaṃhitān yajati | atha yadagniṃ praṇayanti, yamevāmuṃ vaiśvadevemathyanti, tameva tat praṇayanti, yanmathyate tasyoktaṃ brāhmaṇam | atha
yat saptadaśasāmidhenyaḥ, sahantāvājyabhāgau, virājau saṃyājye, teṣāmuktaṃ brāhmaṇam | atha yannava prayājā navānuyājā aṣṭau havīṃṣi
samānāni tveva ṣaṭ sañcarāṇi havīṃṣi bhavantyaindrāgnāntāni, teṣāmuktaṃ brāhmaṇam | atha yanmahendramantato yajati, anta vai śreṣṭho
bhajate, tasmādenamantato yajati | atha yadvaiśvakarmaṇa ekakapālaḥ,
asau vai viśvakarmā, yo'sau tapatyetameva tena proṇāti | atha
yadṛṣabhaṅgaṃ dadāti, aindro ha yajñakratuḥ