Atharvavedabrahmana 9.3

9.3

atho āhurbrahmaṇasodara ityātmā'syātmanā''tmānaṃ me mā hiṃsīḥ svāhetyannaṃ vai sarveṣāṃ bhūtānāmātmā tenaivaitacchamayāñcakāra prāśitra
manumantrayate | yo'gnirnṛmaṇā nāma brāhmaṇeṣu praviṣṭaḥ tasmin maetat suhutamastu prāśitraṃ tanmā māhiṃsīt parame vyomanniti
tanmarveṇa brahmaṇā prāśnāttata enaṃ nāhinattasmādyo brahmiṣṭhaḥ syāttaṃ
brahmāṇaṃ kurvīta bṛhaspatirvai sarvaṃ brahma sarveṇa ha vā etad brahmaṇā
yajñaṃ dakṣiṇata udyacchate'pa eva vā etasmāt prāṇāḥ krāmanti
ya prāśitraṃ prāśnātyadbhirmārjayitvā prāṇān saṃspṛśate vāṅ‌maāsyaṃ nityamṛtaṃ vai prāṇā amṛtamāpaḥ prāṇāneva yathāsthānamupāhvayate tadu haika āhurindrāya paryaharanniti te devā abruvannindro
vai devānāmojiṣṭho baliṣṭhastasmā etatpariharantviti tattasmai paryaharaṃstattad brahmaṇā(1) śamayāñcakāra tasmādāhurindro brahmeti yavamātraṃ
bhavati yavamātra vai viṣasya na hinasti yadadhastādabhighārayati
tasmādadhastāt prattaraṇaṃ prajā arūnaṃ hinasti yadupariṣṭādabhighārayati tasmādupariṣṭāt prattaraṇaṃ prajā arūnaṃ hinasti yadubhayato'bhighārayatyubhayato'bhighāri prajā arurṣārtukaṃ syādyacchamayābhiharedanabhiviṅgaṃ yannasyābhiviṅget