Chāndogya (Upaniṣad) Brāhmaṇa 2.9

2.9

paṅktiriyaṃ prājāpatyā| he 'prajāpate' jagatprabho yāni 'etāni' 'viśvā' viśvāni sarvāṇi tvattaḥ sakāśāt 'jātāni' jarāyujāṇḍajodbhijjāni tāni 'tvat' 'anyaḥ' kaścit 'na' 'paritā' pālayitā 'babhūva'| yataḥ evambhūto bhavān ataḥ vayaṃ 'yatkāmāḥ' yadicchavaḥ santaḥ 'te' tvadarthaṃ 'juhumaḥ' tvāmuddiśya āhutiṃ nyasyāma|¹ tasya phalaṃ 'naḥ' 'astu' tvatprasādena| kiñca 'vayaṃ' 'rayīṇāṃ' dhanānāṃ 'patayaḥ' 'syāma' bhavema| viśvā iti "greskrandasi bahulam" (pā0 6,1,70) iti luk, num-pratyayalakṣaṇena dīrghatvam, na-lopaḥ