Gopathabrahmana 2.2.9

Gopathabrāhmaṇa (ed. Gaastra 1919) 2.2.9

Language: Sanskrit

2.2.9

atha yatrāhādhvaryur agnīd devapatnīr vyācakṣva subrahmaṇya subrahmaṇyām āhvayeti tad apareṇa gārhapatyaṃ prāṅmukhas tiṣṭhann anavānann āgnīdhro devapatnīr vyācaṣṭe
pṛthivy agneḥ patnī
vāg vātasya patnī
senendrasya patnī
dhenā bṛhaspateḥ patnī
pathyā pūṣṇaḥ patnī
gāyatrī pasūnāṃ patnī
triṣṭub rudrāṇāṃ patnī
jagaty ādityānāṃ patnī_
anuṣṭum mitrasya patnī
virāḍ varuṇasya patnī
paṅktir viṣṇoḥ patnī
dīkṣā somasya rājñaḥ patnīti_
ati bhrātṛvyān ārohati nainaṃ bhrātṛvyā ārohanty upari bhrātṛvyān ārohati ya evaṃvidvān āgnīdhro devapatnīr vyācaṣṭe || 9 || [ed. āruohanty, āruohati]

Previous: 2.2.8
Next: 2.2.10
Up: 2.2

Linked texts (1)

Vaitānaśrautasūtra — Sanskrit