Rigvedabrahmana 13.6
Ṛgvedabrāhmaṇa 13.6
- Language
- Sanskrit
13.6
idaṃ te somyaṃ madhviti prasthitānāṃ yājyā madhuścutāṃ² madhumatyanuvaṣaṭkarotyāhutīnāmeva śāntyā āhutīnāṃ pratiṣṭhityai atha hotrāḥ
saṃyajanti yajamānameva taddṛṇatāyai³ saṃpramuñcanti dvidevatyānāṃ prathamo bhakṣo
'theḍātha hotṛcamasa ātmā vai yajamānasya puroḍāśāḥ prāṇā dvidevatyā
annaṃ paśava iḍānnena vai prāṇāścātmā ca saṃhitastasmāddvidevatyānāṃ prathamo bhakṣo 'theḍātha hotṛcamasastānadhvaryyave prayacchati nānusṛjati prāṇā
vai dvidevatyā netprāṇānanusṛjānīti dviraindravāyavasya bhakṣayati dvirhi
tasya vaṣaṭkaroti sakṛnmaitrāvaruṇasya sakṛdāśvinasya sarvvataḥ parihāramāśvinasya bhakṣayati sarvato hyanena śrotreṇa śṛṇoti saṃsrāvānhotṝcamase
'vanayatīḍābhāja evaināṃstatkaroti
Linked texts (2)
- Kauṣītakibrāhmaṇa — Kauṣītaki, Sanskrit
- Ṛgvedaśāṅkhāyanīyabrāhmaṇa — Sanskrit