Rigvedabrahmana 16.2

Ṛgvedabrāhmaṇa 16.2

Language: Sanskrit

16.2

atha sāvitragraheṇa caranti prātaḥsavane tamagre 'yajaṃstāḥ prajā na
prājāyanta taṃ mādhyaṃdine savane tā u tatra no eva tamatra tṛtīyasavane
'yajaṃstataḥ prajāḥ prājāyanta tasmāttṛtīyasavane 'vadhṛtaḥ savitātho ādityānāṃ vā ekaḥ savitādityānāṃ tṛtīyasavanaṃ tasmāttṛtīyasavane savitāraṃ yajanti triṣṭubhaṃ sāvitragrahasya puronuvākyāmanūcya jagatyā yajati
balaṃ vai vīryaṃ triṣṭuppaśavo jagatī bala eva tadvīrye 'ntaḥ paśuṣu ca
pratiniṣṭhati tasya nānuvaṣaṭkaroti prāṇo vai sāvitragrahaḥ saṃsthānuvaṣaṭkāro netpurā kālātprāṇaṃ saṃsthāpayānīti yukta iva hyayaṃ prāṇo
mahatī yājyā mahaddhi tṛtīyasavanam

Previous: 16.1
Next: 16.3
Up: 16

Linked texts (2)

Kauṣītakibrāhmaṇa — Kauṣītaki, Sanskrit
Ṛgvedaśāṅkhāyanīyabrāhmaṇa — Sanskrit