Rigvedabrahmana 16.8
Ṛgvedabrāhmaṇa 16.8
- Language
- Sanskrit
16.8
akṣarapaṅktyaḥ⁴ śaṃsati paśavo vā akṣarapaṅktayaḥ paśūnāmevāptyā
atho prāṇāpānau vā akṣarapaṅktayaḥ prāṇāpānāveva tadātmandhatte 'tho
śastrasyaiva sendratārthai paitrīśca yāmīśca śaṃsati nārāśaṃsānevaitābhiranuśaṃsatyatho antabhājo vai pitarastasmādenā antye śaste śaṃsati svāduṣkilīyāḥ śaṃsati somamevaitābhirindrāya svadayatyatho devaloko vā indraḥ
pitṛloko yamo devalokameva tatpitṛlokādabhyutkrāmati tāsvadhvaryurmadvatpratyāgṛṇāti madvaddhi tṛtīyasavanaṃ vaiṣṇavāruṇīṃ śaṃsati yajño vai vaiṣṇavāruṇo yadvai yajñasya skhalitaṃ volbaṇaṃ vā bhavati tadetayā bhiṣajyati bheṣajyamevaiṣā vaiṣṇavīṃ cāgneyīṃ ca śaṃsatyagnāviṣṇū vai devānāmantabhājau tasmādene antye śatre śaṃsatyaindryā paridadhātīndrasya hyeṣa
tamindra evāntataḥ pratiṣṭhāpayati¹
Linked texts (2)
- Kauṣītakibrāhmaṇa — Kauṣītaki, Sanskrit
- Ṛgvedaśāṅkhāyanīyabrāhmaṇa — Sanskrit