Rigvedabrahmana 18.6
Ṛgvedabrāhmaṇa 18.6
- Language
- Sanskrit
18.6
atha hāriyojanāena caranti harī eva tatprīṇantyatra devāḥ sādhyāḥ
prītā bhavanti triṣṭubhaṃ hāriyojanasya puronuvākyāmanūcya jagatyā yajati balaṃ vai vīryaṃ triṣṭuppaśavo jagatī bala eva tadvīrye 'ntaḥ paśuṣu
ca pratitiṣṭhati maddhatī yājyā maddhaddhi tṛtīyasavanamanuvaṣaṭkarotyāhutīnāmeva śāntyā āhutīnāṃ pratiṣṭhityai tāsāṃ bhūyiṣṭhā dhānānāmādadīta
paśavo vai dhānā bhūmānameva tatpaśūnāmātmandhatte 'tha yadṛcaṃ japanti
yadāhutīrjuhvati svastyayanameva tatkurvate yajñasyaiva śāntyai yajamānasya ca
bhiṣajyāyai tā āhavanīyasya bhakṣānte nivapanti yonirve paśūnāmāhavanīyaḥ sva evaināṃstadyonau 'napakrame dadhati
Linked texts (2)
- Kauṣītakibrāhmaṇa — Kauṣītaki, Sanskrit
- Ṛgvedaśāṅkhāyanīyabrāhmaṇa — Sanskrit