Rigvedabrahmana 20.2
Ṛgvedabrāhmaṇa 20.2
- Language
- Sanskrit
20.2
jyotiḥ prathamamaharupayanti tasya tānyeva cchandorūpāṇi yāni
prathamasyāhnaḥ pra vo devāyānaya ityājyaṃ pravatpravaddvai prathamasyāhno rūpaṃ
mādhucchandasaḥ praugo rathantaraṃ vai sāma sṛjyamānaṃ mādhucchandasaḥ praugo
'nvasṛjyata tadrūpeṇa karma samardhayatyetadvā ārdhukaṃ karma yadrūpasamṛddhamā tvā
rathaṃ yathotaya iti marutvatīyasya pratipadidaṃ vaso sutamandha ityanucara
eṣa eva nitya ekāhātānastasyoktaṃ brāhmaṇamindro rathāya pravataṃ kṛṇotīti marutvatīyaṃ pratvattvadde prathamasyāhno rūpamāyāhyarvāṅṅupavandhureṣṭhā
iti niṣkevalyamāvadāvadde prathamasyāhno rūpaṃ tatsaviturvṛṇīmahe 'dyā
no deva savitariti nityaiva vaiśvadevasya pratipaccānucaraśca tayoruktaṃ brāhmaṇaṃ yuñjate mana uta yuñjate dhiya iti sāvitraṃ yuktavadyuktavadde prathamasyāhno rūpaṃ pra dyāvā yajñaiḥ pṛthivī ṛtāvṛdheti dyāvāpṛthivīyaṃ
pravatpravadde prathamasyāhno rūpamiheha vo manasā bandhutā nara ityārbhvamṛśijo jagamurabhi tāni vedasetyabhivattadrāyantaraṃ rūpaṃ kathā devānāṃ
katamasya yāmanīti vaiśvadevaṃ katama ūtī abhyāvavartatītyāvadāvadde prathamasyāhno rūpaṃ vaiśvānarāya pṛthupājase vipa iti vaiśvānarīyaṃ pravatpravadde
prathamasyāhno rūpaṃ pratvakṣasaḥ pratvaso virapśina iti mārutaṃ pravatpravadde
prathamasyāhno rūpameti pra hotā vratamasya māyayeti jātavedasīyaṃ pravatpravadde prathamasyāhno rūpamamaṃ lokaṃ prathamenāhnāpnuvantyagniṃ devaṃ devatānāṃ
nāmādhibhūtaṃ vācamātmandadhate
20.2.p1
gāṃ dvitīyamaharūpayanti tasya tānyeva cchandorūpāṇi yāni dvitīyasyāhnastvaṃ hi kṣmātavadyaśa ityājyaṃ tvaṃ vicarṣaṇe śrava iti vivattadsyāntarikṣasya rūpaṃ vivṛtamiva hīdamantarikṣaṃ gārtsamadaḥ praugo bṛhadvai
sāma sṛjyamānaṃ gārtsamadaḥ praugo 'nvasṛjyata tadrūpeṇa karma samardhayatyetadvā ṛdhukaṃ karma yadrūpasamṛddhaṃ viśvānarasya vaspatimiti marutvatīyasya
pratipadvivatī tasyā uktaṃ brāhmaṇamindra itsomapā eka ityanucara indraḥ
sutapā viśvāyuriti vivāṃsastasyoktaṃ brāhmaṇamuttiṣṭha brahmaṇaspata ityudgānbrāhmaṇaspatya uttiṣṭhetyuddhaduddhadde dvitīyamaharimā u tvā purutamasya kāroriti marutvatīyamuddhattasyoktaṃ brāhmaṇaṃ suta ittvaṃ nimiśra indra soma
20.2.p2
iti niṣkevalyaṃ stome brahmāṇi śasyamāna uktha ityuddhattasyoktaṃ brāhmaṇaṃ
Linked texts (2)
- Kauṣītakibrāhmaṇa — Kauṣītaki, Sanskrit
- Ṛgvedaśāṅkhāyanīyabrāhmaṇa — Sanskrit