Rigvedashankhayaniyabrahmana 22.2
Ṛgvedaśāṅkhāyanīyabrāhmaṇa 22.2
- Language
- Sanskrit
22.2
jyotiḥ prathamamaharupayanti tasya tānyeva chandorūpāṇi yāni
prathamasyāhnaḥ pra vo devādyāgnaya ityājyaṃ pravatpravadvai prathamasyāhno rūpaṃ
mādhucchandasaḥ praugo rathantaraṃ vai sāma sṛjyamānaṃ mādhucchandasaḥ praugo
'nvasṛjyata tadrūpeṇa karma samardhayatyetadvā ārdhukaṃ karma yadrūpasamṛddhamā tvā
rathaṃ yathotaya iti marutvatīyasya pratipadidaṃ vaso sutamandha ityanucara
eṣa eva nitya ekāhātānastasyoktaṃ brāhmaṇamindro rathāya pravataṃ kṛṇotīti marutvatīyaṃ pravatapravadvai prathamasyāhno rūpamāyāhyarvāṅupabandhureṣṭhā
iti niṣkevalyamāvadāvadvai prathamasyāhno rūpaṃ tatsaviturvṛṇīmahe 'dyā
no deva savitariti nityaiva vaiśvadevasya pratipaccānucaraśca tayoruktaṃ brāhmaṇaṃ yuñjate mana uta yuñjate dhiya iti sāvitraṃ yuktavadyuktavadvai prathamasyāhno rūpaṃ pra dyāvā yajñaiḥ pṛthivī ṛtāvṛdheti dyāvāpṛthivīyaṃ
pravatpravadvai prathamasyāhno rūpamiheha vo manasā bandhutā nara ityārbhavamṛbhukṣo jagamurabhi tāni vedasetyabhivattadrathantaraṃ rūpaṃ kathā devānāṃ
katamasya yāmanīti vaiśvadevaṃ katama ūtī abhyāvavartatītyāvadāvadvai prathamasyāhno rūpaṃ vaiśvānarāya pṛthupājase vipa iti vaiśvānarīyaṃ pravatapravadvai
prathamasyāhno rūpaṃ pratvakṣasaḥ prattavaso virapśina iti mārutaṃ pravatapravadvai
prathamasyāhno rūpameti pra hotā vratamasya māyayeti jātavedasīyaṃ pravatpravadvai prathamasyāhno rūpamamaṃ lokaṃ prathamenāhnāpnuvantyagniṃ devaṃ devatānāṃ
nāmādhibhūtaṃ vācamātmandadhate
22.2.p1
gāṃ dvitīyamaharupayanti tasya tānyeva cchandorūpāṇi yāni dvitīyasyāhnastvaṃ hi ṣmātavathaśa ityājyaṃ tvaṃ vicarṣaṇe ava iti vivattadakṣāntarikṣasya rūpaṃ vivṛtamiva hīdamantarikṣaṃ gārtsamadaḥ praugo bṛhadvai
sāma sṛjyamānaṃ gārtsamadaḥ praugo 'nvasṛjyata tadrūpeṇa karma samardhayatyetadvā ṛddhaṃ karma yadrūpasamṛddhaṃ viśvānarasya vaspatimiti marutvatīyasya
pratipadvivatī tasyā uktaṃ brāhmaṇamindra itsomapā eka ityanucara indraḥ
sutapā viśvāyuriti vivāṃstasyoktaṃ brāhmaṇamuttiṣṭha brahmaṇaspata ityudvānbrāhmaṇaspatya uttiṣṭhetyudvadudvadvai dvitīyamaharimā u tvā purutamasya kāroriti marutvatīyamudvattasyoktaṃ brāhmaṇaṃ suta ittvaṃ nimiśra indra soma
22.2.p2
iti niṣkevalyaṃ stome brahmāṇi śasyamāna uktha ityudvattasyoktaṃ brāhmaṇaṃ
Linked texts (3)
- Śākala — Sanskrit
- Kauṣītakibrāhmaṇa — Kauṣītaki, Sanskrit
- Ṛgvedabrāhmaṇa — Sanskrit