Rigvedabrahmana 21.4

21.4

āyustṛtīyamaharūpayanti tasya tānyeva cchandorūpāṇi yāni tṛtīyasyāhastvamagne vasūm̐rihetyājyaṃ svayaṃsaṃbhṛtaṃ vā etacchando yadahno rūpeṇa
saṃpadyate tāñcrohidaśva girvaṇastrayastriṃśatamāvaheti traya iti¹ tattṛtīyasyāhno² rūpamauṣṇiho vaiśvamanasaḥ praugo rathantaraṃ vai sāma sṛjyamānamauṣṇiho vaiśvamanasaḥ praugo 'nvasṛjyata tadrūpeṇa karma samardhayatyetadvā
ṛdhukaṃ karma yadrūpasamṛddhaṃ taṃ tamindrādhase maha iti marutvatīyasya pratipattaṃ tamiti ninṛttirantastṛtīyamaharnīva vā antaṃgatvā nṛtyati kadyaṅ
hi tata iyāttraya indrasya somā ityanucarastraya iti tattṛtīyasyāhno
rūpaṃ praitu brahmaṇaspatiriti pravānbrāhmaṇaspatyaḥ pra devyetu sūnṛteti ninṛttirantastṛtīyamaharnīva vā antaṃgatvā nṛtyati kadyaṅ hi tata iyāttisro marutvatīyānāṃ pratipadastrayo 'nucarāstrayo brāhmaṇaspatyāstrayo
vā ime lokā imāneva tallokānāpnuvanti tiṣṭhā harī ratha ā yujyamāneti marutvatīyaṃ tiṣṭheti sthitavattadantarūpamantastṛtīyamahastiṣṭhatīva vā
antaṃ gatvā kadyaṅ hi tata iyādindrasya nu vīryāṇi pravocamiti
niṣkevalyaṃ tasya tadevāntarūpaṃ yadbhūtānuvādyahannahimanvapastatardaiti yadetadbhūtamivābhyudu ṣya devaḥ savitā hiraṇyayeti sāvitraṃ ghṛtena pāṇī
abhipruṣṇute makha iti ghṛtavadvahudevatyaṃ vai ghṛtaṃ bahudevatyaṃ tṛtīyamahastasmādghṛtavadghṛtena dyāvāpṛthivī abhīvṛte iti dyāvāpṛthivīyaṃ ghṛtavattasyoktaṃ brāhmaṇaṃ tannradyaṃ suvṛttaṃ vidmanāpasa ityārbhavaṃ tannavharī indravāhā
vṛṣaṇvasū iti ninṛttirantastṛtīyamaharnova vā antaṃ gatvā nṛtyati kadyaṅ
hi tata iyādā no bhadrāḥ kratavo yantu viśvata iti vaiśvadevamaprāyuvo
rakṣitāro dive diva iti ninṛttirantastṛtīyamaharnova vā antaṃ gatvā
nṛtyati kadyaṅ hi tata iyādvaiśvānarāya dhiṣaṇāmṛtāvṛdha iti vaiśvānarīyaṃ ghṛtaṃ na pūtamagnaye janāmasīti ghṛtavattasyoktaṃ brāhmaṇamā rudrāsa
indravantaḥ sajoṣasa iti mārutaṃ tṛṣṇaje na diva utsrā udanyava iti
diva iti tadamuṣya lokasya rūpaṃ tvāmagna ṛtāyavaḥ samīdhira iti
jātavedasīyaṃ tvāṃ tvāmiti saprabhṛti yathā vai sodarkamavaṃ saprabhṛtyantarūpamamuṃ lokaṃ tṛtīyenāhnāpnuvantyādityaṃ devaṃ devatānāṃ rūpamadhibhūtaṃ
cakṣurātmandadhate cakṣurātmandadhate