Rigvedabrahmana 31.1

31.1

ityekonatriṃśo 'dhyāyaḥ samāptaḥ
vasūnāṃ vai prātaḥsavanaṃ rudrāṇāṃ mādhyaṃdinaṃ savanamādityānāṃ tṛtīyasavanaṃ tadyadādityagraheṇa tṛtīyasavanaṃ pratipadyate svayaiva taddevatayā
pratipadyate 'tho dhītarasaṃ vā etatsavamaṃ yattṛtīyasavanamathaiṣa saraso
graho yadādityagrahastenaiva tattṛtīyasavanaṃ sarasaṃ karoti triṣṭubhamādityagrahasya puronuvākyāmanvāha tasyā uktaṃ brāhmaṇamatha stute pavamāne
paśunā carantyatra kālo hi bhavatyatho savanasyaiva sarasatāyā atha haviṣpaṅktyā caranti tasyā uktaṃ brāhmaṇaṃ vāmadevyāstṛtīyasavana unnīyamānebhyo
'nvāha vāmadevo hi tṛtīyasavana indrāya somaṃ provāca tā vā āvatyo harivatyo bhavanti puronuvākyārūpeṇa tā vā aindrābhaiyastriṣṭubho
bhavantīndrameva tadardhabhājaṃ savanasya karoti tā vai navānvāha daśa nvā
atra camasānunnayanti yathā tu prāyaṇaṃ tathodayanamatha hotrāḥ saṃyajanti
tāsāmuktaṃ brāhmaṇamandhasvatyo madvatyaḥ pītavatyo jagatyo yājyā jāgataṃ
hi tṛtīyasavanaṃ madvatyo madvaddhi tṛtīyasavanamanuvaṣaṭkurvantyāhutīnāmeva
śāntyā āhutīnāṃ pratiṣṭhityā atheḍātha hotṛcamasastasyoktaṃ brāhmaṇamaupāsanāṃstṛtīyasavana upāsyanti teṣāmuktaṃ brāhmaṇamatha sāvitragraheṇa
caranti tasyoktaṃ brāhmaṇaṃ triṣṭubhaṃ sāvitragrahasya puronuvākyāmanvāha
tasyā uktaṃ brāhmaṇamatha yadukthe antareṇāmītpātnīvatasya yajati tena
tau hotāramanusamaśnuvāte