Rigvedashankhayaniyabrahmana 3.4

3.4

prayājānyajatyṛtavo vai prayājā ṛtūneva tatprīṇāti te vai pañca
bhavanti tairyatkiṃca pañcavidhamadhidaivatamadhyātmaṃ tatsarvamāpnoti samidho
yajati vasantameva vasante vā idaṃ sarvaṃ samidhyate tanūnapātaṃ yajati
grīṣmameva grīṣmo hi tanvaṃ tapatīḍo yajati varṣā eva varṣābhirhīḍedamannādyamuttiṣṭhati barhiryajati śaradameva śaradi hi barhiṣṭhā oṣadhayo
bhavanti svāhākṛtimantraṃ yajati hemantameva hemante vā idaṃ sarvaṃ svāhākṛtaṃ tadāhurathaitanna prayājāḥ ṣaḍṛtavaḥ kam̐taṃ ṣaṣṭhamṛtuṃ yajatīti yadeva
caturthe prayāje samānayati tadenamitareṣvanuvibhajatyatha yaduttame prayāje
devatāḥ samāvapati prayājabhāja evaināstatkaroti tadyathāgniḥ sarveṣu haviṣu bhāgī bhavatyevaṃ tadagnerbhāge devatā bhāginīḥ karoti nātrāgniṃ
hotrādityāha paśavo vai prayājā rudraḥ sviṣṭakṛttedrudreṇa yajamānasya
paśūntrasajānīti 1 svāhā devā ājyapā juṣāṇā adya ājyasya vyanviti
haika āhurna tathā kuryādardhaṃ ha vai yajñasyājyamardhaṃ haviḥ sa yadvānvatarabrūyādardhaṃ ha vai yajñasya samiṣṭaṃ syādardhamasamiṣṭaṃ tasmātsvāhā devā
ājyapā juṣāṇā adya ājyasya haviṣo vyanvityeva brūyāt