Rigvedashankhayaniyabrahmana 3.6

3.6

atha yatpaurṇamāsyāṃ vārtraghnāvājyabhāgau bhavataḥ paurṇamāsena vā
indro vṛtramahannatha yadamāvāsyāyāṃ vṛdhanvantau jayaṃ vā atra candro
gacchati tamevaitadāpyāyayati taṃ vardhayati tau vai juṣāṇayājyau bhavataḥ
samāna2haviṣī hi prayājairbhavato 'tho brahma vai juṣāṇo brahmauva taddevebhyo haviḥ prayacchati tau vai trivṛtau bhavato yeyajāmaho nigado
vaṣaṭkāraścakṣurvā ājyabhāgau trivṛdvai cakṣuḥ śuklaṃ kṛṣṇaṃ lohitamiti tau
na paśau na some karoti paśunā vai cakṣuṣmānadhvaro neccaturakṣaṃ bībhatsamadhvaraṃ karavāṇītyatha yadāvatyo hṛtavatyaḥ puronuvākyā bhavanti pravatyaḥ
prattavatyo yājyā hṛtvaiva taddevebhyo haviḥ prayacchati tā vai gāyatrītriṣṭubho bhavanti brahma vai gāyatrī balaṃ triṣṭubbrahmabalābhyāmeva taddevebhyo
haviḥ prayacchatyatho etāvānvai chandaso vikāraḥ sarveṇaiva tacchandaso
vikāreṇa devebhyo haviḥ prayacchatyṛgante vaṣaṭkaroti tathā hāsya sarvā
yājyā rūpavatyo bhavanti ṣaḍiti vaṣaṭkaroti ṣaḍvā ṛtava ṛtūneva
tatprīṇāti bārhatarāthantaraṃ vaṣaṭkuryātsratsāhīrghamupariṣṭādbrasvaṃ yaddhrasvaṃ
tadrathantaraṃ yahīrghaṃ tadbṛhadatho iyaṃ vai rathantaramasau bṛhadanayoreva tatpratitiṣṭhatyatho etāvānvai vāco vikāraḥ sarveṇaiva tadvāco vikāreṇa
devebhyo haviḥ prayacchati bhūrbhuva iti purastādyeyajāmahasya japedojaḥ
sahaḥ saha
atha yadagniṃ prathamaṃ devatānāṃ yajatyagnirvai devānāṃ mukhaṃ mukhata
eva taddevānprīṇātyatha yatpaurṇamāsyāmagnīṣomau yajatyagnīṣomau vā
antarvṛtra āstāṃ tāvindro nāśaknodabhi vajraṃ prahartuṃ tābhyāmetaṃ bhāgamakalpayatpaurṇamāsaṃ tau vā upāṃśu nibaktau bhavato 'jāmitāyai yadupāṃśu
yajati tena somaṃ prīṇāti yannibaktaṃ tenāgnimatha yadamāvāsyāyāmindrāgnī yajati pratiṣṭhe vā indrāgnī pratiṣṭhityai evātha yatsaṃnayannamāvāsyāyāmindraṃ yajatyetajjyotirvā amāvāsyā na hyatra candro dṛśyate 'tha
yadasaṃnayanpuroḍāśāvantareṇopāṃśvājyasya yajatyajāmitāyā atha yatsaṃyantsāṃnāyyasyāntareṇopāṃśvājyasya yajati tasyoktaṃ brāhmaṇamatha yadagniṃ
sviṣṭakṛtamantato yajatyeṣa ha vai devebhyo haviḥ prayacchati yo vā annaṃ
vibhajatyantataḥ sa bhajate 'tho rudro vai sviṣṭakṛdasra1bhāgbābā eṣa
tasmādenamantato yajati tasya sa2cchandasī yājyānuvākye nigado
vyeti tenājāmi bhavati vaṣaṭkṛtyāpa upaspṛśati śāntirvai bheṣajamāpaḥ
śāntirevaiṣā bheṣajamantato yajñe kriyate