Pramāṇa · Search · About · API

Taittiriyakathaka 5

Taittirīyakāṭhaka 5

Language
Sanskrit

Contents

5.1

hara̍ḥ om.
hariḥ om || 'tubhya̱ṃ tā a̍ṅgi̱rasta̱māśyām̱ taṃ
kāma̍magne | 'ā̱śānā̎ṃ tvā̱ viśvā̱ āśā̍: | 'anu̍
no̱'dyānu̍ma̱tiranvi̱da̍nu̱mate̱ tvam | 'kāmo̍ bhū̱tasya̍
kāma̱stadagre̍ | ⁵brahma̍ jajñā̱naṃ pi̱tā vi̱rājā̍m
⁶ya̱jño rā̱yo'yaṃ ya̱jñaḥ | ⁷āpo̍ bha̱drā ādi̱tpaśyā̍mi | ⁸tubhya̍ bharanti̱ yo de̱hyaḥ | ⁹pūrve̍ de̱vā apa̍reṇa
prāṇāpā̱nau | ¹⁰ha̱vya̱vāha̱m᳭̐sviṣṭam

5.1-2

tubhya̱ṃ daśa̍

5.2

'de̱vebhyo̱ vai sva̱rgo lo̱kasti̱ro'bhavat | te
pra̱jāpa̍timabruvan | pra̱jā̍pate sva̱rgo vai nau lo̱kasti̱ro'bhū̍t | tamanvvi̍ccheti̍ | taṃ ya̍jñakra̱tubhi̱ranvai̍cchat | taṃ ya̍jñakra̱tubhi̱rnānva̍vindat | tamiṣṭi̍bhi̱ranvai̍cchat | tamiṣṭi̍bhi̱ranva̍vindat | tadiṣṭī̍nāmiṣṭitvam | eṣṭa̍yo ha̱ vai nāma̍ | tā iṣṭa̍ya̱ ityāca̍kṣate parokṣaiṇa | pa̱rokṣa̍priyā iva̱ hi de̱vāḥ

5.3

'tamāśā̍'bravīt | pra̱jā̍pata̱ āśa̍yā̱ vai śrāmyasi
a̱hamu vā āśa̍'smi | māṃ nu ya̍jasva | atha̍
te sa̱tyā''śā̍ bhaviṣyati | anu̍ sva̱rgaṃ lo̱kaṃ
ve̱tsyasīti̍ | sa e̱tama̱gnaye̱ kāmā̍ya puro̱ḍāśa̍ma̱ṣṭāka̍pāla̱ṃ nira̍vapat | ā̱śā̱yai ca̱rum | anu̍ma̱tyai ca̱rum | tato̱ vai tasya̍ sa̱tyā''śā̍'bhavat | anu̍ sva̱rgaṃ lo̱kama̍vindat | sa̱tyā ha̱ vā
a̱syāśā̍ bhavati | anu̍ sva̱rgaṃ lo̱kaṃ vi̍ndati
ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍ juhoti | a̱gnaye̱ kāmā̍ya̱ svāhā̱''śā̍yai̱ svāhā̍ | anu̍matyai̱ svāhā̍ pra̱jāpa̍taye̱ svāhā̍ | sva̱rgāyaṃ lo̱kāya̱ svāhā̱'gnaye̍ svi̱ṣṭakṛte̱ svāheti̍

5.4

³taṃ kāmo̍'bravīt | pra̱jā̍pate̱ kāme̍na̱ vai śrāmyasi
a̱hamu̱ vai kāmo̍'smi | māṃ nu ya̍jasva | atha̍ te
sa̱tyaḥ kāmo̍ bhaviṣyati | anu̍ sva̱rgaṃ lo̱kaṃ ve̍tsyasīti̍ | sa e̱tama̱gnaye̱ kāmā̍ya puroḍāśa̍ma̱ṣṭāka̍pālaṃ nira̍vapat | kāmā̍ya ca̱rum | anu̍matyai ca̱rum
tato̱ vai tasya̍ sa̱tyaḥ kāmo̍'bhavat | anu̍ sva̱rgaṃ
lo̱kama̍vindat | sa̱tyo ha̱ vā a̍sya̱ kāmo̍ bhavati | anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱
yaja̍te | ya u̍ cainade̱vaṃ veda̍ | sotra̍ juhoti | a̱gnaye̱ kāmā̍ya̱ svāhā̱ kāmā̍ya̱ svāhā̍ | anu̍matyai̱
svāhā̍ pra̱jāpa̍taye̱ svāhā̍ | sva̱rgāyaṃ lo̱kāya̱ svāhā̱'gnaye̍ sviṣṭa̱kṛte̱ svāheti̍

5.5

⁴taṃ brahmā̍bravīt
pra̱jā̍pate̱ brahma̍ṇā̱ vai śrāmyasi | a̱hamu̱ vai brahmā̍smi | māṃ nu ya̍jasva | atha̍ te brahma̱ṇvān ya̱jño
bha̍viṣyati | anu̍ sva̱rgaṃ lo̱kaṃ ve̍tsyasīti̍ | sa
e̱tama̱gnaye̱ kāmā̍ya puro̱ḍāśa̍ma̱ṣṭāka̍pāla̱ṃ nira̍vapat
brahma̍ṇe ca̱rum | anu̍matyai ca̱rum | tato̱ vai tasya̍
brahma̱ṇvān ya̱jño̍'bhavat | anu̍ sva̱rgaṃ lo̱kama̍vindat | brahma̱ṇvān ha̱ vā a̍sya ya̱jño bha̍vati | anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te
ya u̍ cainade̱vaṃ veda̍ | sotra̍ juhoti | a̱gnaye̱ kāmā̍ya̱ svāhā̱ brahma̍ṇe̱ svāhā̍ | anu̍matyai̱ svāhā̍
pra̱jāpa̍taye̱ svāhā̍ | sva̱rgāya̍ lo̱kāya̱ svāhā̱'gnaye̍
sviṣṭa̱kṛte̱ svāheti̍

5.6

5taṃ ya̱jño̍'bravīt | pra̱jā̍pate ya̱jñena̱ vai śrāmyasi | a̱hamu̱ vai ya̱jño̍smi
māṃ nu ya̍jasva | atha̍ te sa̱tyo ya̱jño bha̍viṣyati
anu̍ sva̱rgaṃ lo̱kaṃ ve̍tsya̱sīti̍ | sa e̱tama̱gnaye̱ kāmā̍ya puro̱ḍāśa̍ma̱ṣṭāka̍pāla̱ṃ nira̍vapat | ya̱jñāya̍ ca̱rum | anu̍matyai ca̱rum | tato̱ vai tasya̍ sa̱tyo ya̱jño̍'bhavat | anu̍ sva̱rgaṃ lo̱kama̍vindat | sa̱tyo ha̱
vā a̍sya ya̱jño bha̍vati | anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ veda̍
sotraṃ juhoti | a̱gnaye̱ kāmā̍ya̱ svāhā̍ ya̱jñāya̱
svāhā̍ | anu̍matyai̱ svāhā̍ pra̱jāpa̍taye̱ svāhā̍ | sva̱rgāyaṃ lo̱kāya̱ svāhā̱'gnaye̍ sviṣṭa̱kṛte̱ svāheti̍

5.7

tamāpo̍'bruvan | pra̱jāpa̍te̱'psu vai sarve̱ kāmā̍śśri̱tāḥ | va̱yamu̍ vā āpa̍ssmaḥ | a̱smānnu ya̍jasva
atha̱ tvayi̱ sarve̱ kāmā̍śśrayiṣyante | anu̍ sva̱rgaṃ
lo̱kaṃ ve̍tsyasīti̍ | sa e̱tama̱gnaye̱ kāmā̍ya pu̱roḍāśa̍ma̱ṣṭāka̍pāla̱ṃ nira̍vapat | a̱dbhyaśca̱rum | anu̍matyai ca̱rum | tato̱ vai tasmi̱ntsarve̱ kāmā̍ aśrayanta | anu̍ sva̱rgaṃ lo̱kama̍vindat | sarve̍ ha̱ vā a̍smi̱nkāmā̍śśrayante | anu̍ sva̱rgaṃ lo̱kaṃ vi̍ndati
ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotraṃ juhoti | a̱gnaye̱ kāmā̍ya̱ svāhā̱'dbhyassvāhā̍
anu̍matyai̱ svāhā̍ pra̱jāpa̍taye̱ svāhā̍ | sva̱rgāya̍ lo̱kāya̱ svāhā̱'gnaye̍ sviṣṭa̱kṛte̱ svāheti̍

5.10

tama̱gnirba̍li̱māna̍bravīt | pra̱jāpa̍te̱'gnaye̱ vai ba̍li̱mate̱ sarvā̍ṇi
bhū̱tāni̍ ba̱lim̐ ha̍ranti | a̱hamu̱ vā a̱gnirba̍li̱māna̍smi | māṃ nu ya̍jasva | atha̍ te̱ sarvā̍ṇi bhū̱tāni̍
ba̱lim̐ ha̍riṣyanti | anu̍ sva̱rgaṃ lo̱kaṃ ve̍tsya̱sīti̍
sa e̱tama̱gnaye̱ kāmā̍ya puroḍā̱śa̍ma̱ṣṭāka̍pāla̱ṃ nira̍vapat | a̱gnaye̍ balima̱te ca̱rum | anu̍matyai ca̱rum
tato̱ vai tasmai̱ sarvā̍ṇi bhū̱tāni̍ ba̱lima̍haran | anu̍
sva̱rgaṃ lo̱kama̍vindat | sarvā̍ṇi ha̱ vā a̍smai bhū̱tāni̍ ba̱lim̐ ha̍ranti | anu̍ sva̱rgaṃ lo̱kaṃ vi̍ndati | ya
e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍
juhoti | a̱gnaye̱ kāmā̍ya̱ svāhā̱'gnaye̍ balima̱te
svāhā̍ | anu̍matyai̱ svāhā̍ pra̱jāpa̍taye̱ svāhā̍
sva̱rgāya̍ lo̱kāya̱ svāhā̱'gnaye̍ sviṣṭa̱kṛte̱ svāheti̍
8 || ⁸tama̱nu̍vittirabravīt | pra̱jā̍pate sva̱rgaṃ vai lo̱kamanu̍ vivitsasi | a̱hamu̱ vā a̱nu̍vittirasmi
māṃ nu ya̍jasva | atha̍ te sa̱tyā'nu̍vittirbhaviṣyati
anu̍ sva̱rgaṃ lo̱kaṃ ve̍tsya̱sīti̍ | sa e̱tama̱gnaye̱ kāmā̍ya puroḍā̱śa̍ma̱ṣṭāka̍pāla̱ṃ nira̍vapat | anu̍vittyai
ca̱rum | anu̍matyai ca̱rum | tato̱ vai tasya̍ sa̱tyā'nu̍vittirabhavat | anu̍ sva̱rgaṃ lo̱kama̍vindat | sa̱tyā
ha̱ vā a̱syānu̍vittirbhavati | anu̍ sva̱rgaṃ lo̱kaṃ
vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ
veda̍ | sotra̍ juhoti | a̱gnaye̱ kāmā̍ya̱ svāhā'nu̍vittyai̱ svāhā̍ | anu̍matyai̱ svāhā̍ pra̱jāpa̍taye̱ svāhā̍
sva̱rgāya̍ lo̱kāya̱ svāhā̱'gnaye̍ sviṣṭa̱kṛte̱ svāheti̍
9|| 'tā vā e̱tāssa̱pta sva̱rgasya̍ lo̱kasya̱ dvāra̍:
di̱vaśśye̱nayo̱'nu̍vittayo̱ nāma̍ | āśā̍ pratha̱mām̐ ra̍kṣati | kāmo̍ dvi̱tīyāṃm | brahma̍ tṛ̱tīyāṃm | ya̱jñaśca̍tu̱rthīm | āpa̍: pañca̱mīm | a̱gnirba̱limānṣa̱ṣṭhīm
anu̍vittissapta̱mīm | anu̍ ha̱ vai sva̱rgaṃ lo̱kaṃ vi̍ndati | kāma̱cāro̍'sya sva̱rge lo̱ke bha̍vati | ya
e̱tābhi̍ri̱ṣṭibhi̱ryaja̍te | ya u̍ cainā e̱vaṃ veda̍ | <sup 10</sup tāsva̍nviṣṭi | pṛ̱ṣṭhauhī̱varāṃ da̍dyātka̱m̱̐saṃ ca̍ | striyai̍
cābhā̱ram̐ samṛ̍ddhyai

5.11

2
'tapa̍sā de̱vā de̱vatā̱magra̍ āyan | tapa̱sarpa̍ya̱ssva̍ra̱nva̍vindan | tapa̍sā sa̱patna̱ānpraṇu̍dā̱mārā̍tīḥ
yene̱daṃ viśva̱ṃ pari̍bhūta̱ṃ yadasti̍ | ²pra̱tha̱ma̱jaṃ de̱vam̐ ha̱viṣā̍ vidhema | sva̱ya̱ṃbhu brahma̍ pa̱rama̱ṃ tapo̱ yat | sa
e̱va pu̱trassa pi̱tā sa mā̱tā | tapo̍ ha ya̱kṣaṃ pratha̱mam̐ saṃba̍bhūva | ³śra̱ddhayā̍ de̱vo de̱vatvama̍śnute | śra̱ddhā
prati̍ṣṭhā lo̱kasya̍ de̱vī

5.12

sā nau̍ juṣā̱ṇopa̍
ya̱jñamāgā̍t | kāma̍vathsā̱'mṛta̱ṃ duhā̍nā | ⁴śra̱ddhā de̱vī pra̍thama̱jā ṛ̱tasya̍ | viśva̍sya bha̱rtrī jaga̍taḥ prati̱ṣṭhā | tāgṃ śra̱ddhāgṃ ha̱viṣā̍ yajāmahe | sā nau
lo̱kama̱mṛta̍ṃ dadhātu | īśā̍nā de̱vī bhuva̍nasyādhipatnī | ⁵āgā̍thsa̱tyagṃ ha̱viri̱daṃ ju̍ṣāṇam | yasmā̍ddevā ja̍jñi̱re bhuva̍naṃ ca̱ viśve̍ | tasmai̍ vidhema ha̱viṣāṃ ghṛ̱tena̍ṃ

5.13

yathā̍ de̱vaissa̍dha̱māda̍ṃ madema | ⁶yasya̍ prati̱ṣṭhorve̍ntari̍kṣam | yasmā̍dde̱vā ja̍jñi̱re bhuva̍naṃ
ca̱ sarve̍ | tattsa̱tyamarca̍dupa̍ya̱jñaṃ na̱ āgā̍t | brahmāhu̍tīrupa̍moda̍mānam | ⁷mana̍so̱ vaśe̱ sarva̍mi̱daṃ ba̍bhūva
nānyasya̱ mano̱ vaśa̱manviyāya | bhī̱ṣmo hi de̱vassa̱hasrassahī̍yān | sa no̍ juṣā̱ṇa upa̍ ya̱jñamāgā̍t | ⁸ākūṃtīnāmadhi̍pa̱tiṃ ceta̍sāṃ ca

5.14

sa̱ṃka̱lpa̱jūṃti̍ṃ de̱vaṃ vipa̍ścim | mano̱ rājā̍nami̱ha
va̱rdhaya̍ntaḥ | upa̍hva̱ve'sya su̱ma̱tau syā̍ma | ⁹cara̍ṇaṃ pa̱vitra̱ṃ vita̍taṃ purā̱ṇam | yena̍ pū̱tastara̍ti duṣkṛ̱tāni̍ | tena̍ pa̱vitre̍ṇa śu̱ddhena̍ pū̱tāḥ | ati̍ pā̱pmānṛ̱mrāti̍ṃ tarema | '^0lo̱kasya̱ dvāra̍ma̱rcima̍tpa̱vitra̍m
jyoti̍ṣma̱dbhrāja̍māna̱ṃ maha̍svat | a̱mṛta̍sya̱ dhārā̍
bahu̱dhā doha̍mānam | cara̍ṇaṃ no lo̱ke su̱dhitā̍ndadhātu | ''a̱gnirmū̱rdhā bhuva̍ṃ: | '^2anu̍ no̱'dyānu̍matiranvi̱da̍numate̱ tvam | '^3ha̱vya̱vāha̱m̐ svi̍ṣṭa̱m

5.3-2

devī ghṛ̱tena̱ ceta̍sāṃ ca̱ doha̍mānaṃ ca̱tvāri̍ ca

5.15

'de̱vebhyo̱ vai sva̱rgo lo̱kasti̱ro̍'bhavat | te
pra̱jāpa̍timabruvan | pra̱jāpa̍te sva̱rgo vai no̍ lo̱kasti̱ro̍'bhūt | tamanvi̍ccheti̍ | taṃ ya̍jñakra̱tubhi̱ranva̍cchat | taṃ ya̍jñakra̱tubhi̱rnānva̍vindat | tami̱ṣṭi̍bhi̱ranva̍cchat | tami̱ṣṭi̍bhi̱ranva̍vindat | tadi̱ṣṭī̍nāmi̱ṣṭitvam | e̱ṣṭayo̍ ha̱ vai nāma̍ | tā i̱ṣṭaya̱
ityāca̍kṣate pa̱rokṣe̍ṇa | pa̱rokṣa̍priyā i̱va̱ hi de̱vāḥ

5.16

'taṃ tapo̍bravīt | pra̱jāpa̍te̱ tapa̍sā̱ vai
śrā̍myasi | a̱hamu̱ vai tapo̍smi | māṃ nu ya̍jasva | atha̍ te sa̱tyaṃ tapo̍ bhaviṣyati | anu̍
sva̱rgaṃ lo̱kaṃ ve̍tsyasīti̍ | sa e̱tamā̍gne̱yama̱ṣṭāka̍pālaṃ nira̍vapat | tapa̍se ca̱rum | anu̍matyai ca̱rum
tato̱ vai tasya̍ sa̱tyaṃ tapo̍'bhavat | anu̍ sva̱rgaṃ lo̱kama̍vindat | sa̱tyam̐ ha̱ vā a̍sya̱ tapo̍ bhavati
anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍ juhoti | a̱gnaye̱
svāhā̱ tapa̍se̱ svāhā̍ | anu̍matyai̱ svāhā̍ pra̱jāpa̍taye̱
svāhā̍ | sva̱rgāya̍ lo̱kāya̱ svāhā̱'gnaye̍ sviṣṭa̱kṛte̱
svāheti̍

5.17

m̐tam̐ śra̱ddhā'bra̍vīt | pra̱jāpa̍te
śra̱ddhayā̱ vai śrāmyasi | a̱hamu̱ vai śra̱ddhā'smi̍ | māṃ
nu ya̍jasva | atha̍ te sa̱tyā śra̱ddhā bha̍viṣyati | anu̍
sva̱rgaṃ lo̱kaṃ ve̍tsyasīti̍ | sa e̱tamā̍gne̱yama̱ṣṭāka̍pāla̱ṃ
nira̍vapat | śra̱ddhāyai̍ ca̱rum | anu̍matyai ca̱rum
tato̱ vai tasya̍ sa̱tyā śra̱ddhā'bha̍vat | anu̍ sva̱rgaṃ
lo̱kama̍vindat | sa̱tyā ha̱ vā a̍sya śra̱ddhā bha̍vati
anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍ juhoti | a̱gnaye̱
svāhā̍ śra̱ddhāyai̱ svāhā̍ | anu̍matyai̱ svāhā̍ pra̱jāpa̍taye̱
svāhā̍ | sva̱rgāya̍ lo̱kāya̱ svāhā̱'gnaye̍ sviṣṭa̱kṛte̱
svāheti̍

5.18

ꣴtam̐ sa̱tyama̍bravīt | pra̱jāpa̍te
sa̱tyena̱ vai śrāmyasi | a̱hamu̱ vai sa̱tyama̍smi | māṃ
nu ya̍jasva | atha̍ te sa̱tyam̐ sa̱tyaṃ bha̍viṣyati
anu̍ sva̱rgaṃ lo̱kaṃ ve̍thsya̱sīti̍ | sa e̱tamā̍gne̱yama̱ṣṭāka̍pā̱laṃ nira̍vapat | sa̱tyāya̍ ca̱rum | anu̍matyai ca̱rum | tato̱ vai tasya̍ sa̱tyam̐ sa̱tyama̍bhavat | anu̍
sva̱rgaṃ lo̱kama̍vindat | sa̱tyam̐ ha̱ vā a̍sya sa̱tyaṃ
bha̍vati | anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍ juhoti
a̱gnaye̱ svāhā̍ sa̱tyāya̱ svāhā̍ | anu̍matyai̱ svāhā̍
pra̱jāpa̍taye̱ svāhā̍ | sva̱rgāya̍ lo̱kāya̱ svāhā̱'gnaye̍
svi̱ṣṭakṛte̱ svāheti̍

5.19

⁵taṃ mano̍bravīt | prajā̍pate̱ mana̍sā̱ vai śrāmyasi | a̱hamu̱ vai mano̍smi
māṃ nu ya̍jasva | atha̍ te sa̱tyaṃ mano̍ bhaviṣyati
anu̍ sva̱rgaṃ lo̱kaṃ ve̍thsya̱sīti̍ | sa e̱tamā̍gne̱yama̱ṣṭāka̍pā̱laṃ nira̍vapat | mana̍se ca̱rum | anu̍matyai
ca̱rum | tato̱ vai tasya̍ sa̱tyaṃ mano̍'bhavat | anu̍ sva̱rgaṃ
lo̱kama̍vindat | sa̱tyam̐ ha̱ vā a̍sya̱ mano̍ bhavati
anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te
ya u̍ cainade̱vaṃ veda̍ | sotra̍ juhoti | a̱gnaye̱ svāhā̍
mana̍se̱ svāhā̍ | anu̍matyai̱ svāhā̍ pra̱jāpa̍taye̱ svāhā̍ | sva̱rgāya̍ lo̱kāya̱ svāhā̱'gnaye̍ sviṣṭa̱kṛte̱
svāheti̍

5.20

⁶taṃ cara̍ṇamabravīt | pra̱jāpa̍te̱
cara̍ṇena̱ vai śrāmyasi | a̱hamu̱ vai cara̍ṇamasmi
māṃ nu ya̍jasva | atha̍ te sa̱tyaṃ cara̍ṇaṃ bhaviṣyati
anu̍ sva̱rgaṃ lo̱kaṃ ve̍tsya̱sīti̍ | sa e̱tamā̍gne̱yama̱ṣṭāka̍pāla̱ṃ nira̍vapat | cara̍ṇāya ca̱rum | anu̍matyai
ca̱rum | tato̱ vai tasya̍ sa̱tyaṃ cara̍ṇamabhavat | anu̍
sva̱rgaṃ lo̱kama̍vindat | sa̱tyam̐ ha̱ vā a̍sya̱ cara̍ṇaṃ
bhavati | anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍ juhoti
a̱gnaye̱ svāhā̍ cara̍ṇāya̱ svāhā̍ | anu̍matyai̱ svāhā̍
pra̱jāpa̍taye̱ svāhā̍ | sva̱rgāya̍ lo̱kāya̱ svāhā̱'gnaye̍
sviṣṭa̱kṛte̱ svāheti̍

5.21

⁷tā vā e̱tāḥ pañca̍
sva̱rgasya̍ lo̱kasya̱ dvāra̍: | apā̍dyā anu̍vittayo nāma̍
tapa̍: pratha̱mā1 rakṣa̍ti | śraddhā dvi̱tīyā̍m | sa̱tyaṃ tṛ̱tīyā̍m | mana̍ścatu̱rthīm | cara̍ṇaṃ pañca̱mīm | ⁸anu̍
ha̱ vai sva̱rgaṃ lo̱kaṃ vi̍ndati | kā̱ma̱cāro̍sya sva̱rge
lo̱ke bha̍vati | ya e̱tābhi̍ri̱ṣṭibhi̱ryaja̍te | ya u̍
cainā e̱vaṃ veda̍ | tāsvā̍nviṣṭi | pṛ̱ṣṭhauhī̍va̱rāṃ da̍dyātkṛ̱tsnaṃ ca̍ | śriyai̍ cābhā̱ra1 sama̍rddhayai

5.22

4
¹brahma̱ vai catu̍rhotāraḥ | catu̍rhotṛbhyo̱'dhi̍ ya̱jño nirmi̍taḥ | naina̱1 śa̱tam | nābhi̍caritumārśaiti tṛtīye kāṭhake caturtho'nuvākaḥ.
cchati | ya evaṃ veda̍ | 'yo ha̱ vai ca̍turhotṝṇāṃ caturhotṛtvaṃ veda̍ | atho̍ pañca̍hotṛtvam | sarvā̍ hāsmai̱
diśa̍: kalpante | vāca̱spati̱r hotā̍ darśahotṛṇām | pṛ̱thi̱vī hotā̍ ca̱turho̍tṝṇām

5.23

a̱gnir hotā̍ pañca̍hotṝṇām | vāgghotā̍ ṣaḍḍhotṝṇām
ma̱hāha̍vi̱rhotā̍ sa̱ptaho̍tṝṇām | e̱tadvai ca̍turhotṝṇāṃ
catu̍rhotṛtvam | atho̍ pañca̍hotṛtvam | sarvā̍ hāsmai̱
diśa̍: kalpante | ya e̱vaṃ veda̍ | ⁴e̱ṣā vai sa̍rvavi̱dyā
e̱tadbhai̍ṣa̱jam | e̱ṣā pa̱ṅktissva̍rga̱sya̍ lo̱kasyā̍ñjasāya̍ni̱ssruti̍:

5.24

e̱tān yo'dhyetya̍cha̱rdiddu̍ru̱śe
yāva̍tta̱rasa̍m | sva̍reti | ana̍pabruva̱ssarva̱māyu̍reti
vi̱nda̱te pra̱jām | rā̱yaspoṣa̍ṃ gaupa̱tyam | bra̱hma̱va̱rca̱sī bha̍vati | e̱tān yo'dhyaiti̍ | spṛ̱ṇotyā̱tmāna̍m
pra̱jāṃ pi̱tṝn | ^5e̱tān vā a̍ru̱ṇa aupa̍ve̱śirvi̱dāñca̍kāra

5.25

e̱taira̍dhi̱vā̱damapā̍jayat | atho̱
viśva̍ṃ pā̱pmāna̍m | sva̍rya̱yau | e̱tān yo'dhyaiti̍
a̱dhi̱vādaṃ jaya̍ti | atho̱ viśva̍ṃ pā̱pmāna̍m | svarreti̍ | ⁶e̱taira̱gniṃ ci̍nvīta sva̱rgakā̍maḥ | e̱tairāyu̍ṣkāmaḥ | pra̱jāpa̍śukā̍mo vā

5.26

⁷pu̱ra̱stāddaśa̍hotā̱ramuda̍ñcamupa̍dadhāti yāvatpa̱dam | hṛda̍ya̱ṃ yajūṃṣi̱ patnyau̍ ca | da̱kṣi̱ṇa̱taḥ prāñca̍ṃ caturahotāram | pa̱ścāduda̍ñca̱ṃ pañca̍hotāram | u̱tta̱ra̱taḥ prāñca̱m̱̐ ṣaḍḍho̍tāram
u̱pari̍ṣṭātprāñca̱m̐ saptaho̍tāram | hṛda̍yaṃ yajū̍ṃṣi
patnya̍śca | ya̱thā'va̱kāśa̱ṃ grahā̱n | ya̱thā'va̱kāśa̱ṃ pra̍tigrahānllo̍ka̍mpṛ̱ṇāśca̍ | sarvā̍ hāsyai̱tā de̱vatā̍: prītā a̱bhīṣṭā̍ bhavanti

5.27

sadai̍vama̱gniṃ ci̍nute
⁸ratha̍saṃmitaśce̱tavya̍: | vajro̱ vai ratha̍: | vajre̍ṇai̱va
pā̱pmāna̱ṃ bhrātṛ̍vya̱ꣲ stṛṇute | pa̱kṣa̱ssa̍mitaśce̱tavya̍:
e̱tāvā̱n vai ratha̍: | yāva̍tpakṣaḥ | ratha̍saṃmitame̱va
ci̍nute | ⁹i̱mame̱va lo̱kaṃ pa̍śu̱bandhe̱nābhi̱jaya̍ti
atho̍ agni̱ṣṭome̍naṃ

5.28

a̱ntari̍kṣamū̱kthyena
sva̍ra̍tirā̱treṇa̍ | sarvā̍m̐llo̱kāna̍hīnena | atho̍ sa̱treṇa̍
¹⁰varo̱ dakṣi̍ṇā | vare̍ṇai̱va vara̍ꣲ spṛṇoti | ā̱tmā
hi vara̍: | ¹¹eka̍viꣲśa̱tirdakṣi̍ṇā dadāti | e̱ka̱vi̱m̐śo vā i̱tassva̱rgo lo̱kaḥ | pra sva̱rgaṃ lo̱kamā̍pnoti

5.29

a̱sāvā̍di̱tya e̍kavi̱m̐śaḥ | a̱mume̱vādi̱tyamā̍pnoti | śa̱taṃ da̍dāti | śa̱tāyu̱ḥ puru̍ṣaśśa̱tendri̍yaḥ | āyu̍ṣye̱vendri̱ye prati̍tiṣṭhati | sa̱hasra̍ṃ
dadāti | sa̱hasra̍saṃmitassva̱rgo lo̱kaḥ | sva̱rgasya̍
lo̱kasyā̱bhijityai̍ | anvi̍ṣṭa̱kaṃ dakṣi̍ṇā dadāti
sarvā̍ṇi̱ vayā̍m̐si

5.30

sarva̍syā̱ptyai̍ | sarva̍syāva̍ruddhyai | yadi̱ na vi̱ndeta̍ | ma̱nthānaitāvṛ̍to dadyādoda̱nān vā̍ | a̱śnu̱te taṃ kāma̍m | yasmai̱ kāmā̱yāgni̱ścīyate̍ | pa̱ṣṭhauhī̍ntvantarva̍tīṃ dadyāt | sā
hi sarvā̍ṇi̱ vayāg̍si | sarva̍syāptyai̍ | sarva̍syāva̍ruddhyai

5.31

hira̍ṇyaṃ dadāti | hira̍ṇyajyotire̱va
sva̱rgaṃ lo̱kamai̍ti | vāso̍ dadāti | tenāyu̍: prati̍rate | ve̱ditṛ̱tīye ya̍jeta | triṣa̍tyā̱ hi de̱vāḥ | sasa̍tyama̱gniṃ ci̍nute | ¹⁵tade̱tatpa̍śu̱bandhre brāhma̍ṇaṃ brūyāt | neta̍reṣu ya̱jñeṣu̍ | ¹⁶yo ha̱ vai ca̍turhotṝnanusava̱naṃ ta̍rpayita̱vyān̍ veda̍

5.33

tṛpya̍ti pra̱jayā̍
pa̱śubhi̍: | upai̍nagṃ somapī̱tho na̍mati | e̱te vai catu̍rhotāro'nusava̱naṃ ta̍rpayita̱vyā̍: | ye brāhma̍ṇā ba̍hu̱vida̍: | tebhyo̱ yaddakṣi̍ṇā̱ na naye̍t | duri̍ṣṭagṃ
syāt | a̱gnima̍sya vṛñjīran | tebhyo̍ yathāśra̱ddhaṃ
da̍dyāt | sviṣṭa̍me̱vaitatkriyate | nāsyā̱gniṃ vṛ̍ñjate
32|| hira̍ṇyeṣṭako bha̍vati | yāva̍du̱ttamama̍ṅguḷikāṇḍaṃ ya̍jñapu̱ruṣā saṃmi̍tam | tejo hira̍ṇyam | yadi̍
hira̍ṇya̱ṃ na vi̱ndet | śarka̍rā a̱ktā upa̍dadhyāt
tejo̍ ghṛ̱tam | sate̍jasame̱vāgniṃ ci̍nute | ¹⁷a̱gniṃ
ci̱tvā sau̍trāma̱ṇyā ya̍jeta maitrāvaru̱ṇyā vā̍ | vī̱rye̍ṇa vā e̱ṣa vyṛ̍ddhayate | yo'gniṃ ci̍nu̱te

5.34

yāva̍de̱va vī̱rya̍m | tada̍smindadhāti | brahma̍ṇassāyu̍jyagm̐ sa̱lokatā̍māpnoti | e̱tāsā̍me̱va de̱vatā̍nā̱gm̐
sāyu̍jyam | sāṣṭitāgm̐ samāna̍lokatā̍māpnoti | ya
e̱tama̱gniṃ ci̍nu̱te | ya u̍ cainame̱vaṃ veda̍ | e̱tade̱va
sā̍vi̱tre brā̍hma̱ṇam | atho̍ nāci̱ke̱te

5.5-2

hotā̍ ca̱turho̍tṝṇāgṃ srutiśca̍kāra vā bhavantyagniṣṭomenā̍pnoti̱ vayā̍g‌si̱ vayā̍g‌si sarva̍syā̱ptyai
sarva̍syāva̱ruddhyai̱ veda̍ vṛṅkte cinute nava̍ ca

5.35

'yaccāmṛta̱ṃ yacca̱ martya̍m | yacca̱ prāṇi̍ti̱ yacca̱
na | sarvā̍stā iṣṭakā̍: kṛ̱tvā | upa̍ kāma̱dughā̍ dadhe
tena̱ ṛṣi̍ṇā̱ tena̱ brahma̍ṇā | tayā̍ de̱vata̍yā'ṅgi̱ra̱svaddhruvā sī̍da | ^2sarvā̱sstriya̱ssavā̱npum̐sa̍ḥ | sarva̱ṃ nastrī̍pu̱maṃ ca̱ yat | sarvā̱stāḥ | ^3yāva̍ntaḥ pām̱̐savo̍
bhūme̍ḥ

5.36

sa̱ṃkhyā̍tā de̱vamā̱yayā̍ | sarvā̱stāḥ
^4yāva̍ntū̱ṣāḥ pa̱śū̱nām | pṛ̱thi̱vyāṃ puṣṭi̍r hi̱tāḥ
sarvā̱stāḥ | ^5yāva̍tīssi̱katā̍ssa̱rvāḥ | a̱psva̍ntaśca yāśśri̱tāḥ | sarvā̱stāḥ | ⁶yāva̍tīśśarka̍rā dhṛtyai̍ | a̱syāṃ pṛ̍thi̱vyāmadhi̍

5.37

sarvā̱stāḥ
⁷yāva̍nto'śmā̍no̱'syāṃ pṛ̍thi̱vyām | pra̱ti̱ṣṭhāsu̱ prati̍ṣṭhitāḥ | sarvā̱stāḥ | ⁸yāva̍tīrvī̱rudha̱ssarvā̍ḥ | viṣṭhi̍tāḥ pṛthi̱vīmanu̍ | sarvā̱stāḥ | ⁹yāva̍tī̱roṣa̍dhīssarvā̍ḥ | viṣṭhi̍tāḥ pṛthi̱vīmanu̍ | sarvā̱stāḥ

5.38

¹⁰yāva̍nto vana̱spata̍yaḥ | a̱syāṃ pṛ̍thi̱vyāmadhi̍ | sarvā̱stāḥ | ¹¹yāva̍nto grā̱myāḥ pa̱śava̱ssarve̍ | āra̱ṇyāśca̍ ye | sarvā̱stāḥ | ¹²ye dvi̱pāda̱ścatu̍ṣpādaḥ
a̱pāda̍mudarasa̱rpiṇa̍ḥ | sarvā̱stāḥ | "yāva̱dāñja̍namucyate̍

5.39

de̱va̱trā yacca̱ mānu̍ṣam | sarvā̱stāḥ
"yāva̍tkṛṣṇā̱yasa̱m̱̐ sarva̍m | de̱va̱trā yacca̱ mānu̍ṣam
sarvā̱stāḥ | "yāva̍llohā̱yasa̱m̱̐ sarva̍m | de̱va̱trā yacca̱
mānu̍ṣam | sarvā̱stāḥ | "sarva̱m̱̐ sīsa̱m̱̐ sarva̱ṃ trapu̍
de̱va̱trā yacca̱ mānu̍ṣam

5.40

sarvā̱stāḥ | "sarva̱m̱̐
hira̍ṇyam̐ ra̱jatam | de̱va̱trā yacca̱ mānu̍ṣam | sarvā̱stāḥ | "sarva̱m̱̐ suva̍rṇa̱m̱̐ hari̍tam | de̱va̱trā yacca̱ mānu̍ṣam | sarvā̱stā iṣṭa̍kāḥ kṛ̱tvā | upa̍ kāma̱dughā̍
dadhe | tena̱ ṛṣi̍ṇā̱ tena̱ brahma̍ṇā | tayā̍ de̱vata̍yā'ṅgira̱svaddhru̱vā sī̍da

5.6-2

bhūme̱radhi̍ vi̱ṣṭitā̍ḥ pṛthi̱vīmanu̍ sarvā̱stā u̱cyate̱ mānu̍ṣam̐ sī̍da

5.42

yacca̱ striya̍ḥ pā̱m̱̐sava̱ ūṣā̱ssika̍tā̱śśarka̍rā
aśmā̍no vī̱rudha̱ oṣa̍dhī̱rvana̱spata̍yo grā̱myā ye
dvi̱pādo̱ yāva̍dā̱ñjana̱ṃ yāva̍tkṛṣṇā̱rya̍sa̱ lo̱hāya̍sa̱
sīsa̱ hira̍ṇya̱ suva̍rṇa̱ hari̍tama̱ṣṭāda̍śa
'sarvā̱ diśo̍ di̱kṣu | yaccā̱ntarbhū̱taṃ prati̍ṣṭhitam
sarvā̍stā iṣṭa̍kāḥ kṛ̱tvā | upa̍ kāma̱dughā̍ dadhe | tena̍
ṛṣi̍ṇā̱ tena̱ brahma̍ṇā | tayā̍ de̱vata̍yā'ṅgira̱svadbhū̱vā
sī̍da | ²a̱ntari̍kṣaṃ ca̱ keva̍lam | yaccā̱sminna̱ntarā̱hi̍tam | sarvā̱stāḥ | ³ā̱ntari̍kṣyaśca̱ yāḥ pra̱jāḥ
41|| ga̱ndha̱rvāpsa̱rasa̍śca̱ ye | sarvām̐stāḥ | ⁴sarvānudā̱rāntsa̱lilā̱n | a̱ntari̍kṣe prati̍ṣṭhitān | sarvā̍stāḥ | ⁵sarvānudā̱rāntsa̍lilā̱n | sthā̱va̱rāḥ proṣyā̍śca̱ ye | sarvām̐stāḥ | ⁶sarvā̱ dhunī̱m̐ sarvā̍ndhva̱m̐sān | hi̱mo yacca̍ śīyate̍

5.43

sarvām̐stāḥ
⁷sarvānmarīcīn vi̱taṃtān | nī̱hāro̍ yacca̍ śīyate̍
sarvāstāḥ | ⁸sarvā̍ vi̱dyuta̱ssrvā̍ntstanayi̱tnūn | hrā̱dunī̱ryacca̍ śīya̱te | sarvāstāḥ | ⁹sarvā̍ssravantī̱ssarita̍: | sarva̍mapsu̱cara̍ṃ ca̱ yat | sarvāstāḥ

5.44

¹⁰yāśca̍ kūpyā̱ yāśca̍ nā̱dyā̍ssamu̱driyā̍: | yāśca̍ vaiśa̱ntīru̱ta prā̍sa̱cīryā̍: | sarvāstāḥ | ¹¹ye cottiṣṭha̍nti jī̱mūtā̍: | yāśca̱ varṣa̍nti vṛ̱ṣṭaya̍: | sarvāstāḥ
¹²tapu̍ste̱ja̍ ākā̱śam | yaccā̍kā̱śe prati̍ṣṭhitam
sarvā̱stāḥ | 13vāyuṃ vayāg̍si sarvā̍ṇi

5.45

a̱ntari̍kṣacaraṃ ca̱ yat | sarvā̱stāḥ | agnig̍ sūryaṃ
ca̱ndram | mi̱traṃ varu̍ṇaṃ bhaga̍m | sarvā̱stāḥ | 15sa̱tyañ
śra̱ddhāṃ tapo̱ dama̍m | nāma̍ rū̱paṃ ca̍ bhū̱tānā̍m | sarvā̱stā iṣṭa̍kāḥ kṛ̱tvā | upa̍ kā̱ma̱dughā̍ṃ dadhe | tena̍
ṛṣi̍ṇā̱ tena̱ brahma̍ṇā | tayā̍ de̱vata̍yā'ṅgira̱svadbhru̱vā
sī̍da

5.7-2

pra̱jā hi̱mo yacca̍ śīyate sarvā̱stāssavā̍ṃṇi̱
brahma̍ṇai̱kaṃ ca̍

5.46

diśo̱'ntari̍kṣama̱ntari̍kṣya̍mudvā̱rāmu̍dvā̱rāndhuni̍ṃ marī̍cī̱n vidyuta̱ḥsrava̍ntī̱ryāśca̍ ye ca̱ tapo̍ vā̱yuma̍gnig̍ sa̱tyaṃ pañca̍daśa
1sarvā̱ṃ diva̱g sarvā̍nde̱vāndi̱vi | yaccā̱ntarbhū̱taṃ prati̍ṣṭhitam | sarvā̍stā iṣṭa̍kāḥ kṛ̱tvā | upa̍ kāma̱dughā̍ṃ dadhe | tena̱ ṛṣi̍ṇā̱ tena̱ brahma̍ṇā | tayā̍ de̱vata̍yā'ṅgira̱svadbhū̱vā sī̍da | 'yāva̍tī̱stāra̍kā̱ssavaiḥ
virtatā roca̱ne di̱vi | sarvā̍stāḥ | ṛco̱ yajūm̐̍ṣi̱ sāmā̍ni

5.47

atha̍rvāṅgirasa̍śca̱ ye | sarvā̍stāḥ | itihāsapurāṇaṃ ca̍ | sarpa̍de̱vaja̱nāśca̱ ye
sarvā̍stāḥ | ye ca̍ lo̱kā ye cā̍lo̱kāḥ | a̱ntarbhūtaṃ
prati̍ṣṭhitam | sarvā̍stāḥ | 'yacca̱ brahma̱ yaccā̍brahma
a̱ntarbrahmanprati̍ṣṭhitam

5.48

sarvā̍stāḥ | 'aho̍rā̱trāṇi̱ sarvā̍ṇi | a̱rdha̱mā̱sām̐śca̱ keva̍lān | sarvāstāḥ | ⁸sarvā̍nṛtūntsavām̐nmā̱sān | sa̱ṃva̱thsa̱raṃ ca̱
keva̍lam | sarvā̍stāḥ | ⁹sarva̱ṃ bhūtaṃ sarva̱ṃ bhavya̍m
yaccāto'dhi̍ bhavi̱ṣyati̍ | sarvā̍stā iṣṭa̍kāḥ kṛ̱tvā
upa̍ kāma̱dughā̍ dadhe | tena̱ ṛṣi̍ṇā̱ tena̱ brahma̍ṇā
tayā̍ de̱vata̍yā'ṅgira̱svaddhru̱vā sī̍da

5.8

sāmā̍ni̱ brahma̍nprati̍ṣṭhitaṃ kṛ̱tvā trīṇi̍ ca

5.49

di̱vaṃ tāra̍kā̱ ṛca̍ṃ itihāsapurā̱ṇaṃ ca̱ ye ca̱
yaccā̍horā̱trāṇyū̱tūnbhūtaṃ nava̍
¹ṛ̱cāṃ prācī̍ maha̱tī digu̍cyate | dakṣi̍ṇāmāhuryaju̍ṣāmapā̱rām | atha̍rvaṇāmaṅgi̍rasāṃ pratīcī̍
sāmnā̱mudī̍cī maha̱tī digu̍cyate | 2ṛ̱gbhiḥ pū̱rvāhṇe
di̱vi de̱va ī̍yate | ya̱ju̱rve̱de ti̍ṣṭhati̱ madhye̱ ahna̍ḥ
sā̱ma̱ve̱denā̍stama̱ye mahī̍yate | ve̱dairśū̱nyastribhi̍reti̱
sūrya̍ḥ | 3ṛ̱gbhyo jā̱tā sarva̍śo̱ mūrti̍māhuḥ | sarvā̍
gati̱ryāju̍ṣī hyaiva śaśva̍t

5.50

sarva̱m̐ teja̍ssāmarū̱pya̍ꣲ ha̍ śaśva̱t | sarva̍ꣲ he̱daṃ brahma̍ṇā havaiva sṛ̱ṣṭam
⁴ṛ̱gbhyo jā̱taṃ vaiśya̱ṃ varṇa̍māhuḥ | ya̱ju̱rve̱daṃ kṣa̱ttira̍syā̍hu̱ryoni̍m | sā̱ma̱ve̱do brā̍hma̱ṇānā̱ṃ prasū̍tiḥ | pūrve̍
pūrve̍bhyo̱ vaca̍ e̱tadū̍cuḥ | ⁵ā̱da̱ṟśama̱gniṃ ci̍nvā̱nāḥ
pūrve̍ viśva̱sṛjo̱'mṛtā̍ḥ | śa̱taṃ va̍rṣasa̱hasrā̍ṇi | dīkṣitāssa̱tramā̍ṃsata

5.51

^6tapa̍ āsīdgṛha̱pati̍:
brahma̍ bra̱hmābha̍vathsva̱yam | sa̱tyam̐ ha̱ hotāai̍ṣāmāsī̍t
yadviśva̱sṛja̱ āsa̍ta | ^7a̱mṛte̍mebhya̱ udgā̍yat | sa̱hasra̍ṃ parivathsa̱rān | bhū̱tam̐ ha̍ prasto̱taiṣā̍māsī̍t
bha̱viṣyatprati̍ cāharat | ^8prā̱ṇo a̍dhva̱ryu̍ra̍bhavat | i̱dam̐
sarva̍m̐ siṣāṃsatām

5.52

a̱pāno vi̱dvānvāvṛ̱ta̍ḥ
prati̱ prati̍ṣṭhadadhva̱re | ⁹ā̱rta̱vā u̍pagā̱tāra̍: | sa̱da̱syā̍ ṛ̱tavo̍'bhavan | a̱rdha̱mā̱sāśca̱ māsā̍śca | ca̱ma̱sādhva̱ryavo̍'bhavan | ¹⁰aśa̍m̐sadbrahma̍ṇasteja̍: | acchā̍vā̱ko'bha̍vadyaśa̍: | ṛ̱tamai̍ṣāṃ praśā̱stā''sī̍t
yadi̍śva̱sṛja̱ āsa̍ta

5.53

¹¹ūrgrājā̍na̱mudva̍vahat
dhru̱va̱gopa̍ssa̱ho'bha̍vat | ojo̍'bhya̍ṣṭādgrāvṇa̍ḥ | yadviśva̱sṛja̱ āsa̍ta | "apa̍citiḥ po̱trīyā̍mayajat
ne̱ṣṭrīyā̍mayaja̱ttviṣi̍ḥ | ā̱gnī̱dhrādvi̱duṣī̍ sa̱tyam
śra̱ddhā haivā̍rya̱jatsva̱yam | "irā̱ patnī̍ viśva̱sṛjā̍m
ākū̍tirapinaddha̱viḥ

5.54

i̱dhma 5 ha̱ kṣutsaibhya u̱gre
tṛṣṇā cāva̍hatāmu̱bhe | vāgaiṣāᳵ subrahma̍ṇyā''sī̍t | chando̱yogā̱n vi̍jā̱na̱tī | kḷ̱pta̱tantrā̍ṇi
tanvā̱nā'ha̍ḥ | saᳵsthāśca̍ sa̱rvaśa̍ḥ | aho̍rā̱tre pa̍śu̱pālyau̍ | mu̱hūrtā̍ḥ preṣyā̍ abhavan | mṛ̱tyustada̍bhavaddhā̱tā | śami̍to̱gro vi̱śāṃ pati̍ḥ

5.55

viśva̱sṛja̍: pratha̱māssa̱tramā̍ṃsata | sa̱hasra̍samaṃ prasu̱tena̱
yanta̍: | tato̍ ha jajñe̱ bhuva̍nasya go̱pāḥ | hira̍ṇmayaśśa̱kuni̱rbrahma̱nāma̍ | ''yena̱ sūrya̱stapa̍ti̱ teja̍se̱ddhaḥ
pi̱tā pu̱treṇa̍ pi̱tṛmāṉ yoni̍yonau | nāve̍da̱vinmanu̱te taṃ bṛ̱hanta̍m | sa̱rvā̱nu̱bhumā̱tmānag̍ saṃparā̱ye
¹⁸e̱ṣa ni̱tyo ma̍hi̱mā brā̍hma̱ṇasya̍ | na karma̍ṇā vardha̱te no kanī̍yān

5.56

tasyai̱vātmā pa̍da̱vittaṃ
vi̍di̱tvā | na karma̍ṇā lipyate̱ pāpa̍kena | ¹⁹pañca̍pañcā̱śatta̍stri̱vṛrta̍ssaṃvathsa̱rāḥ | pañca̍pañcā̱śata̍: pañcada̱śāḥ
pañca̍pañcā̱śata̍ssaptada̱śāḥ | pañca̍pañcā̱śata̍mekavi̱g̱śāḥ
vi̱śvasṛjā̍ṃ sahasraṃsaṃvathsaram | e̱tena̱ vai vi̍śva̱sṛja̍
i̱daṃ viśva̍masṛjanta | yadviśva̍masṛ̍janta | tasmā̍dviśvasṛja̍: | ²⁰viśva̍me̱nānanu̍ pra̱jāya̍te | brahmaṇssārkyujya̍ṃ
sa̱lo̱katā̍ṃ yanti | e̱tāsā̍me̱va de̱vatā̍nā̱m̱̐ sāyu̍jyam
sāṣṭiṃtām̐ samāna̱loka̱tāṃ yanti | ya e̱tadupa̍yanti̍
ye caina̱tprāhu̍: | yebhya̍ścaina̱tprāhu̍: | om

5.9

śaśva̍dāsan siṣāṃsatāmāsa̍ta ha̱viṣpati̍: kanī̍ṃyā̱ntasmā̍dvi̱śvasṛjo̱'ṣṭau ca̍

5.9-2

tubhya̍ṃ de̱vebhya̱stapa̍sā de̱vebhyo̱ brahma̱ vai catu̍rhotāro̱ yaccāmṛta̱ṃm̐ sarvā̱ diśo̍ di̱kṣu sarvā̱ diva̍mṛ̱cāṃ
prācī̱ nava̍

5.56-2

tubhya̱ṃ tapa̍sā̱ tā vā e̱tāḥ pañca̱ hira̍ṇyaṃ dadā̱ti
sarvā̱ diśa̱stapa̍ āsīdgṛhapa̍ti̱ṣṣaṭtri̍ṃśa̱śatam

5.56-2.p1

tubhya̱mom || hari̍: om. tatsat

Linked texts (8)