Taittiriyakathaka 5.17
Taittirīyakāṭhaka 5.17
- Language
- Sanskrit
5.17
m̐tam̐ śra̱ddhā'bra̍vīt | pra̱jāpa̍te
śra̱ddhayā̱ vai śrāmyasi | a̱hamu̱ vai śra̱ddhā'smi̍ | māṃ
nu ya̍jasva | atha̍ te sa̱tyā śra̱ddhā bha̍viṣyati | anu̍
sva̱rgaṃ lo̱kaṃ ve̍tsyasīti̍ | sa e̱tamā̍gne̱yama̱ṣṭāka̍pāla̱ṃ
nira̍vapat | śra̱ddhāyai̍ ca̱rum | anu̍matyai ca̱rum
tato̱ vai tasya̍ sa̱tyā śra̱ddhā'bha̍vat | anu̍ sva̱rgaṃ
lo̱kama̍vindat | sa̱tyā ha̱ vā a̍sya śra̱ddhā bha̍vati
anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍ juhoti | a̱gnaye̱
svāhā̍ śra̱ddhāyai̱ svāhā̍ | anu̍matyai̱ svāhā̍ pra̱jāpa̍taye̱
svāhā̍ | sva̱rgāya̍ lo̱kāya̱ svāhā̱'gnaye̍ sviṣṭa̱kṛte̱
svāheti̍