Taittiriyakathaka 5.20
Taittirīyakāṭhaka 5.20
- Language
- Sanskrit
5.20
⁶taṃ cara̍ṇamabravīt | pra̱jāpa̍te̱
cara̍ṇena̱ vai śrāmyasi | a̱hamu̱ vai cara̍ṇamasmi
māṃ nu ya̍jasva | atha̍ te sa̱tyaṃ cara̍ṇaṃ bhaviṣyati
anu̍ sva̱rgaṃ lo̱kaṃ ve̍tsya̱sīti̍ | sa e̱tamā̍gne̱yama̱ṣṭāka̍pāla̱ṃ nira̍vapat | cara̍ṇāya ca̱rum | anu̍matyai
ca̱rum | tato̱ vai tasya̍ sa̱tyaṃ cara̍ṇamabhavat | anu̍
sva̱rgaṃ lo̱kama̍vindat | sa̱tyam̐ ha̱ vā a̍sya̱ cara̍ṇaṃ
bhavati | anu̍ sva̱rgaṃ lo̱kaṃ vi̍ndati | ya e̱tena̍ ha̱viṣā̱ yaja̍te | ya u̍ cainade̱vaṃ veda̍ | sotra̍ juhoti
a̱gnaye̱ svāhā̍ cara̍ṇāya̱ svāhā̍ | anu̍matyai̱ svāhā̍
pra̱jāpa̍taye̱ svāhā̍ | sva̱rgāya̍ lo̱kāya̱ svāhā̱'gnaye̍
sviṣṭa̱kṛte̱ svāheti̍
Linked texts (3)
- Taittirīyabrāhmaṇa — Sanskrit
- Kāṭhaka (Taittirīya) — Sanskrit
- Aśvamedhabhāṣya — Bhaṭṭabhāskara Miśra, Sanskrit