Atharvaveda 11.7

11.7

[9].1a) úcchiṣṭe nā́ma rūpáṃ cócchiṣṭe loká ā́hitaḥ |
[9].1c) úcchiṣṭa índraś cāgníś ca víśvam antáḥ samā́hitam ||1||
[9].2a) úcchiṣṭe dyā́vāpr̥thivī́ víśvaṃ bhūtáṃ samā́hitam |
[9].2c) ā́paḥ samudrá úcchiṣṭe candrámā vā́ta ā́hitaḥ ||2||
[9].3a) sánn úcchiṣṭe ásaṃś cobháu mr̥tyúr vā́jaḥ prajā́patiḥ |
[9].3c) laukyā́ úcchiṣṭa ā́yattā vráś ca dráś cā́pi śrī́r máyi ||3||
[9].4a) dr̥ḍhó dr̥ṃha sthiró nyó bráhma viśvasŕ̥jo dáśa |
[9].4c) nā́bhim iva sarvátaś cakrám úcchiṣṭe devátāḥ śritā́ḥ ||4||
[9].5a) ŕ̥k sā́ma yájur úcchiṣṭa udgītháḥ prástutaṃ stutám |
[9].5c) hiṅkārá úcchiṣṭe sváraḥ sā́mno meḍíś ca tán máyi ||5||
[9].6a) aindrāgnáṃ pāvamānáṃ mahā́nāmnīr mahāvratám |
[9].6c) úcchiṣṭe yajñásyā́ṅgāny antár gárbha iva mātári ||6||
[9].7a) rājasū́yaṃ vājapéyam agniṣṭomáṣ tád adhvaráḥ |
[9].7c) arkāśvamedhā́v úcchiṣṭe jīvábarhir madíntamaḥ ||7||
[9].8a) agnyādhéyam átho dīkṣā́ kāmapráś chándasā sahá |
[9].8c) útsannā yajñā́ḥ satrā́ṇy úcchiṣṭé 'dhi samā́hitāḥ ||8||
[9].9a) agnihotráṃ ca śraddhā́ ca vaṣaṭkāró vratáṃ tápaḥ |
[9].9c) dákṣiṇeṣṭáṃ pūrtáṃ cócchiṣṭé 'dhi samā́hitāḥ ||9||
[9].10a) ekarātró dvirātráḥ sadyaḥkrī́ḥ prakrī́r ukthyàḥ |
[9].10c) ótaṃ níhitam úcchiṣṭe yajñásyāṇū́ni vidyáyā ||10||
[9].11a) catūrātráḥ pañcarātráḥ ṣaḍrātráś cobháyaḥ sahá |
[9].11c) ṣoḍaśī́ saptarātráś cócchiṣṭāj jajñire sárve yé yajñā́ amŕ̥te hitā́ḥ ||11||
[9].12a) pratīhāró nidhánaṃ viśvajíc cābhijíc ca yáḥ |
[9].12c) sāhnātirātrā́v úcchiṣṭe dvādaśāhó 'pi tán máyi ||12||
[9].13a) sūnŕ̥tā sáṃnatiḥ kṣémaḥ svadhórjā́mŕ̥taṃ sáhaḥ |
[9].13c) úcchiṣṭe sárve pratyáñcaḥ kā́māḥ kā́mena tātr̥puḥ ||13||
[9].14a) náva bhū́mīḥ samudrā́ úcchiṣṭé 'dhi śritā́ dívaḥ |
[9].14c) ā́ sū́ryo bhāty úcchiṣṭe 'horātré ápi tán máyi ||14||
[9].15a) upahávyaṃ viṣūvántaṃ yé ca yajñā́ gúhā hitā́ḥ |
[9].15c) bíbharti bhartā́ víśvasyócchiṣṭo janitúḥ pitā́ ||15||
[9].16a) pitā́ janitúr úcchiṣṭó 'soḥ páutraḥ pitāmaháḥ |
[9].16c) sá kṣiyati víśvasyéśāno vŕ̥ṣā bhū́myām atighnyàḥ ||16||
[9].17a) r̥táṃ satyáṃ tápo rāṣṭráṃ śrámo dhármaś ca kárma ca |
[9].17c) bhūtáṃ bhaviṣyád úcchiṣṭe vīryàṃ lakṣmī́r bálaṃ bále ||17||
[9].18a) sámr̥ddhir ója ā́kūtiḥ kṣatráṃ rāṣṭráṃ ṣáḍ urvyàḥ |
[9].18c) saṃvatsaró 'dhy úcchiṣṭa íḍā praiṣā́ gráhā havíḥ ||18||
[9].19a) cáturhotāra āpríyaś cāturmāsyā́ni nīvídaḥ |
[9].19c) úcchiṣṭe yajñā́ hótrāḥ paśubandhā́s tád íṣṭayaḥ ||19||
[9].20a) ardhamāsā́ś ca mā́sāś cārtavā́ r̥túbhiḥ sahá |
[9].20c) úcchiṣṭe ghoṣíṇīr ā́pa stanayitnúḥ śrútir mahī́ ||20||
[9].21a) śárkarāḥ síkatā áśmāna óṣadhayo vīrúdhas tŕ̥ṇā |
[9].21c) abhrā́ṇi vidyúto varṣám úcchiṣṭe sáṃśritā śritā́ ||21||
[9].22a) rā́ddhiḥ prā́ptiḥ sámāptir vyā̀ptir máha edhatúḥ |
[9].22c) átyāptir úcchiṣṭe bhū́tiś cā́hitā níhitā hitā́ ||22||
[9].23a) yác ca prāṇáti prāṇéna yác ca páśyati cákṣuṣā |
[9].23c) úcchiṣṭāj jajñire sárve diví devā́ diviśrítaḥ ||23||
[9].24a) ŕ̥caḥ sā́māni chándāṃsi purāṇáṃ yájuṣā sahá |
[9].24c) úcchiṣṭāj jajñire sárve diví devā́ diviśrítaḥ ||24||
[9].25a) prāṇāpānáu cákṣuḥ śrótram ákṣitiś ca kṣítiś ca yā́ |
[9].25c) úcchiṣṭāj jajñire sárve diví devā́ diviśrítaḥ ||25||
[9].26a) ānandā́ módāḥ pramúdo 'bhīmodamúdaś ca yé |
[9].26c) úcchiṣṭāj jajñire sárve diví devā́ diviśrítaḥ ||26||
[9].27a) devā́ḥ pitáro manuṣyā̀ gandharvāpsarásaś ca yé |
[9].27c) úcchiṣṭāj jajñire sárve diví devā́ diviśrítaḥ ||27||

In the remnant [are set] name and form, in the remnant [is] set the world; within the remnant both Indra and Agni, everything is set together.

In the remnant heaven-and-earth, all existence is set together; in the remnant the waters, the ocean, the moon, the wind is set.

In the remnant [are] the being one and the non-being one, both, death, vigor, Prajāpati; they of the world (lāukyá) are supported (ā-yat) on the remnant, both vrá and drá; also fortune (çrī́) in me.

Being fixed, fix thou, being stanch, nyá, the bráhman, the ten all-creators; as the wheel on all sides of the nave, the divinities [are] set (çritá) in the remnant.

The verse (ṛ́c), the chant (sā́man), the formula (yájus) [are] in the remnant, [also] the song (udgīthá), the introductory praise (prástuta),the praise (stutá); the sound hing [is] in the remnant, the tone (svára), and the ring (? meḍí) of the chant; that in me.

That relating to Indra-and-Agni, that to the purifying [Soma] (pāvamāná), the great-named ones (f., mahā́nāmnīs), the great ceremony (makāvratá)—within the remnant are [all] the members of the sacrifice, like an embryo within a mother.

The rājasūya (royal consecration), the vājapéya (vigor-drinking), the agniṣṭomá (fire-praise), then the sacrifice (adhvará), the arká and açvamedhá (horse-sacrifice) [are] in the remnant, the one having a living barhís, most intoxicating.