Shrisuktabhashya 2
Śrīsūktabhāṣya 2
- Language
- Sanskrit
2.1
iti phalaśrutisahitaṃ śrīsūktaṃ samāptam
oṃ
hiraṇyavarṇāṃ hariṇīṃ suvarṇarajatasrajām
candrāṃ hiraṇmayīṃ lakṣmīṃ jātavedo ma āvaha
2.1-2
hiraṇyavarṇāṃ (1) maharṣayaḥ| (2) śrīragnirdevatā| ādyāstisro'nuṣṭubhaḥ| caturthī bṛhatī| pañcamīṣaṣṭhyau triṣṭubhau| tato'ṣṭāvanuṣṭubhaḥ| antyā prastārapaṅktiḥ| hiraṇyavarṇomiti bījam| tāṃ ma āvaha jātaveda iti (3) śaktiḥ| kīrtimṛddhiṃ dadātu ma iti kīlakam| mama śrīmahālakṣmīprasādasiddhyarthaṃ jape viniyogaḥ| śrīṃ śrīmiti bījābhyāṃ jalena trivāraṃ karaśuddhiṃ kuryāt
athāṅganyāsaḥ| hiraṇyavarṇomiti śirasi| tāṃ ma āvaha jātaveda iti netrayoḥ| aśvapūrvāmiti karṇayoḥ| kāṃso'smitāmiti nāsikāyām| candrāṃ prabhāsāmiti mukhe| ādityavarṇomiti kaṇṭhe| upaitu māmiti bāhvoḥ| kṣutpipāsāmiti hṛdaye| gandhadvārāmiti nābhau| manasaḥ kāmāmiti guhye| kardameneti pāyayoḥ| āpaḥ sṛjantviti ūrvoḥ| ārdrāṃ puṣkariṇīṃ puṣṭimiti jānvoḥ| ārdrāṃ yaḥ kariṇīmiti jaṅghayoḥ| tāṃ ma āvaha jātaveda iti pādayoḥ| ityaṅgeṣu vinyasya| atha karanyāsaḥ| oṃ namo bhagavatyai mahālakṣmyai iti viśeṣeṇa pratinyāsaṃ yojayet| hiraṇyavarṇāyai aṅguṣṭhābhyāṃ namaḥ| hariṇyai tarjanībhyāṃ namaḥ| suvarṇarajatasrajāyai madhyamābhyāṃ namaḥ| candrāyai anāmikābhyāṃ namaḥ| hiraṇmayyai kaniṣṭhābhyāṃ namaḥ| lakṣmyai karatalakarapṛṣṭhābhyāṃ namaḥ| evaṃ (4) hṛdayādinyāsaḥ| bhūrbhuvaḥsvaromiti digbandhaḥ| dhyānam—
padmāsane tu saṃsthitā tadvatpuṣkaravarṇā
karakamaladhṛteṣṭābhītiyugamāmbujātā
maṇimukuṭavicitrālaṅkṛtiḥ padmamālā
bhavatu bhuvanamātā santataṃ śrīḥ śriyai naḥ
kamalaṃ kalaśaṃ ghenuṃ bāṇamaṅkuśameva ca
padmaṃ mudrāḥ pradarśayet śrīsūktaṃ prajapedbudhaḥ
hiraṇyavarṇāmiti prathamā ṛk| he jātavedaḥ agne| hiraṇyavarṇā
hiraṇyavarṇāṃ hariṇīṃ haritavarṇāṃ haridrābhāṃ suvarṇarajatasrajāṃ hemaraupyamayakamalamālāṃ candrāṃ sakalajanāhlādakāriṇīṃ hiraṇmayīṃ hiraṇyasvarūpāmetādṛśīṃ lakṣmīṃ me mama sarvābhīṣṭasādhanāya āvaha preṣaya
2.2
mantrakalpārṇave
hiraṇyavarṇāmityuktāṃ śrīsūkte prathamāmṛcam
śrīṃ hrīṃ klīmiti vinyasya hiraṇyapratimāṃ yajet
lakṣmīṃ sampūjya hāridracūrṇasauvarṇapaṅkajaiḥ
rājataiḥ puṇḍarīkaiśca pūjayedrāstuvāsinīḥ
pūrṇendau pūrṇakumbhe vā dhyātvā nārāyaṇīṃ parām
prāpyādyamālāṃ sauvarṇīṃ kamalāsanasaṃsthitāḥ
ṛcaṃ tu prajapedyāṃ pratyakṣaṃ trisahasrakam
trisandhyamevaṃ lakṣmānte ghorairayutatarpaṇam
sahasramājyahomaśca śatabrāhmaṇabhojanam
sruvāsinonāṃ daśakaṃ sālaṅkāramathārcayet
ekāṃ dhenūṃ savatsāṃ ca śrotriyāya pradāpayet
itthamantaralakṣmāntaṃ yo japetriyatavrataḥ
hiraṇyapūrṇastejasvī dhanāḍhyo bhogabhāgyavān
śrīvecciraṃ śarīrānte candrasāyujyamāpnuyāt || iti
iti prathamarcavaraṇam
dvitīyā ṛk
oṃ (3)tāṃ ma āvaha jātavedo lakṣmīmanapagāminīm
yasyāṃ hiraṇyaṃ vindeyaṃ gāmaśvaṃ puruṣānaham
2.2-2
anapāyāṃ śriyaṃ yāti hiraṇyaṃ gonarādikān
anapāyā bhavellakṣmīstasya janmani nānyathā || iti
2.3
iti dvitīyarcovaraṇam
tṛtīyā ṛk
oṃ || aśvapūrvāṃ rathamadhyāṃ hastinādaprabodhinīm
śriyaṃ devīmupahvaye śrīrmā devī juṣatām
2.4
varadābhayaśukapustakakarakalitā kamalamadhyagā kalaye
kamalā smitavadanoṃ kanakāvarṇasthitāṃ kāñcit
2.5
iti caturthamantravivaraṇasaṃgrahaḥ
oṃ candrāṃ prabhāsāṃ yaśasā jvalantīṃ śriyaṃ loke devajuṣṭāmudārām
tāṃ padminīmīṃ śaraṇamahaṃ prapadye alakṣmīrme naśyatāṃ tvāṃ vṛṇe
2.5-2
māyābījena vinyasya bhaktito bhuvaneśvarīm
attoṇabhāṣāṃ candrākhyāṃ jvalantīṃ yaśasā śriyam
devairjuṣṭāmudārāṃ ca paścinormāṃ bhajāmyaham
tvāṃ vṛṇe tvatprasādena mamālakṣmīrvinaśyatu
pratyahaṃ tvekasāhasraṃ goghṛtasthaḥ prajapeccam
aṣṭapaṇḍadvīpaṃ prajvālya goghṛtena jitendriyaḥ
pratyakṣaratrisāhasrajapānmucyeta saṅkaṭaiḥ
maṇḍalaiśca tribhiḥ pūrṇairdāridryānmucyate dhruvam
dīkṣitaśca tilairhutvā virajāmantradevatām
śrāmikṣāśo dhanaṃ prāpya bhūmisthaṃ rājavanditaḥ
saṃgrāme vijayaṃ prāpya cāndrīṃ gatimavāpnuyāt
bahrastu prajapetsaurīṃ dakṣiṇottaramārgagām
tilaiḥ śvetaissahājyena juhuyātpāvake svake
japāddaśāṃśaṃ santarpya gandhakapūrvāribhiḥ
homaṃ kṛtvā daśāṃśaṃ ca pūjayecca suvāsinīḥ
kamalārcayeddevīṃ gobhyo ghāsaṃ pradāpayet
patatpuṇyaprabhāveṇa daridro'pi dhanī bhavet
homityādiṣaḍaṅganyāsaḥ || dhyānam—
ākāśapadmākaracandrabimbaplavollasantīṃ paripūrṇakāntim
padmasthitāṃ padmakarāṃ prapadye lakṣmīmalakṣmīrvinivṛttaye'ham || iti