Shrisuktabhashya 4
Śrīsūktabhāṣya 4
- Language
- Sanskrit
Contents
- 4.16 — 1 part
4.7
saptamī ṛk
oṃ || upatu māṃ devasakhaḥ kīrtiśca maṇinā saha
prādurbhūto'smi rāṣṭre'smin kīrtimṛddhiṃ dadātu me
4.7-2
śrīratnakośaḥ
anuṣṭubhaśca śrīsūkte saptamīṃ prajapedbudhaḥ
dvātriṃśaddinaparyantaṃ siddhiṃ prāpnoti nānyathā
kuberādhāstasya devāḥ pratyadāḥ syurna saṃśayaḥ
cintāmaṇyādiratnāni navāpi nidhayastathā
vaśe tasya bhaviṣyanti siddhamantrasya yoginaḥ
bhūtapretapiśācādiprahapīḍānivāraṇam
prayataḥ prajapenmantraṃ rātrikāle viśeṣataḥ
dūrvābhirbilvapatraiśca sakuśaiśca kuśodayaiḥ
saharidrātitayairvaitaṇḍulaiśca samoktikaiḥ
kuṅkumairarcayeddevāṃ padmanedaṃ viśeṣataḥ
ketakīkundamandāraistulasīdamanādibhiḥ
kadamīnāmnāṃ sahasreṇa śrībījasahitena ca
śrīyantraṃ pūjayennityaṃ nityakarmavirodhataḥ
prajapettatryagāyatrīṃ puraścaraṇadocitam
sapāśāṅkuśamāyāṃ ca sahlākarṣaṇamudrayā
svāhāntaṃ ca namontaṃ ca śrīmantramapi yojayet
sapravālābjamālākṣaiḥ sragbandhaṃ niyato japet
dhūpayedgugguladhūpaiśca ghṛtadīpaiśca bhāsayet
drākṣāphalaṃ ca kharjūraṃ rambhātorekṣusaṃyutam
madhvājyadāḍimīcūtanārikelānsamarpayet
suvāsinīssamabhyarcya stutvā cānyesstotrapāṭhakaiḥ
hutvā'pāmārgasamidho ghṛtāhutipurassarāḥ
kaṭvamlalavaṇādīni tyaktvā niyatabhugbhavet
sārdhadvivatsare siddhiṃ prāpnuyājjātra saṃśayaḥ || iti
śrāṃhrīṃ krīṃ peṃśrīṃ hrīṃ śrāṃ hrīṃ krīṃ hrīṃ iti bījanavakaṃ pratinyāsaṃ yojayet | asya mantrasya kubera ṛṣiḥ maṇimālinī lakṣmīrdevatā manuṣyacchandaḥ | śrīṃ hlīṃ klīṃ bījāni || dhyānam—
rājarājeśvarīṃ lakṣmīṃ varadāṃ maṇimālinīm
devīṃ devapriyāṃ kīrtiṃ vande kāmyārthasiddhaye
4.8
iti saptamarcavṛtiḥ
aṣṭamī ṛk
oṃ || kṣutpipāsāmalāṃ jyeṣṭhāmalakṣmīṃ nāśayāmyaham
abhūtimasamṛddhiṃ ca sarvāṃ nirṇuda me gṛhāt
4.8-2
lakṣmīyāmale
prajapedvinā niryaṃ śrīsūktaṃ carcamaṣṭomam
pratyadcārasahasraṃ ca gāyatrīmapi tāvatīm
śrīgāyatrīdaśāṃśaṃ tu lakṣmīmantraṃ śatāṃśakam
aniṣṭaparihārārtho mantro'yaṃ parikīrtitaḥ
daurbhāgyaṃ śamayedeva durlipiṃ parimārjayet
vīrāsanasamāsīnaḥ agnihotrapurasthitaḥ
phalāśī prajapenmantraṃ bhaktyā kadrākṣamālayā
tilahomaṃ prakurvīta virajāmapi hāvayet
ghṛtena juhuyāllakṣmīṃ daurbhāgyaṃ tasya naśyati
saubhāgyaṃ jāyate tasya nātra kāryā vicāraṇā
hīṃ śrīṃ hrīṃ hīṃ iti bījapañcakena samantrāṅganyāsaḥ || dhyānamajñānapātakatamastatitīvaraśmiṃ daurbhāgyabhūdharavidāraṇavajramīḍe
yogātighoraphaṇimardanapakṣirājaṃ lakṣmīpadadvayamanarthaharaṃ sukhārthī
khaḍgaṃ savātacakrañca kamalaṃ varameva ca
karaiścaturbhirbibhrāṇāṃ dhyāyeccandrānanāṃ śriyam
ityaṣṭamargavivaraṇasaṅgrahaḥ
4.9
navamī ṛk
oṃ || gandhadvārāṃ durādharṣāṃ nityapuṣṭāṃ karīṣiṇīm
īśvarīṃ sarvabhūtānāṃ tāmihopahvaye śriyam
4.6
śrīrbhūrnīlā ramā durgā sītā satyā ca bhāminī
rukmiṇī tulasī rādhā sarvā lakṣmyaṃśasambhavāḥ
iti śrīrahasye
4.8-3
vaikhānasavidhāyām
ṛcamānuṣṭubhau gandhadvārāmiti japedvidyuḥ
ṣaṭṣaṣṭyuttaraśatānāṃ tu sahasrāṇāṃ ca saṃkhyayā
padmātmamālayā padmāsanasthastu pārthivam
bojaṃ vinyasya mantreṇa śrībījena ca tajjapet
kesarocandrakastūrīśrīkhaṇḍāghurmanoharaiḥ
gandhadravyaissamabhyarcya sthaṇḍile śriyamarcayet
govṛndānugatāṃ dhyātvā surabhiṃ sasyamālinīm
pṛthulāṃ prāṇināmīśāṃ durdharṣāṃ śriyamarcayet
kabiphalapradaḥ dhanadhānyapaśusamṛddhikaraḥ puṇyagandhapradaḥ maharavāpādakaḥ
prabhutvasādhakaśca mantro'yam
4.10
iti navamarcivaraṇaṣaḍprahaḥ
daśamī ṛk
oṃ || manasaḥ kāmamākūtiṃ vācaḥ satyamaśīmahi
paśūnāṃ rūpamannasya mayi śrīḥ śrayatāṃ yaśaḥ
4.10-2
arthatāṃ paśūnāṃ rūpaṃ gajāśvagomahiṣyādiprācuryamannasya rūpaṃ bhadrayabhojyādikaṃ
yaśaḥ kīrtiśca yasyāssakāśāt vayamaśīmahi labhemahi| tāddaśī śrīrlakṣmīḥ
mayi śrayatāṃ sannidhattām
4.10-3
mantrakalpārṇave
manasaḥ kāmamityādyāṃ śrīsūkte daśamīmṛcam
manovāṅniyato nityamaṣṭalakṣajapaṃ caret
vāksiddhirbhogasiddhiśca bhogyalābho bhaveddhruvam
oṃ maitraṃ śrīmiti nyāsaḥ || dhyānam—
tāṃ dhyāyetsatyasaṅkalpāṃ ladmīṃ dorodanapriyām
dhyātāṃ sarveṣu bhūteṣu taccajñānabalakriyām
iti daśamī ṛgvivṛtā
4.11
ekādaśī ṛk
oṃ || kardamena prajābhūtā mayi saṃbhava kardama
śriyaṃ vāsaya me kule mātaraṃ padmamālinīm
4.11-2
mantrakalpārṇave
kardamenetyādikāṃ tu śrīsūktaikādaśīmṛcam
gāvaṃ savatsāṃ saṃpūjya japedvakṣaralakṣakam
śrīṃvamiti nyāsaḥ || dhyānaṃ—
savatsā gauriva prītā kardamena tathendirā
kalyāṇī madugṛhe nityaṃ nivasetvajñamālinī
mantrasiddhau tu cirāvicchinnavaṃśaparamparā bhivṛddhirakhaṇḍitaiśvaryalābhaśca
bhavati | santānasaubhāgyapradoyaṃ mantraḥ | pañcāttamālayā goṣṭhe prajapet | bālebhyaḥ payo dadyādvālikābhyaśca pratyahaṃ suvāsinīmarcayetsaputrāmiti
4.12
ityekādaśī ṛgvivṛtā
dvādaśī ṛk
oṃ || āpaḥ sṛjantu snigdhāni ciklīta vasa me gṛhe
ni ca devīṃ mātaraṃ śriyaṃ vāsaya me kule (1)
4.12-2
tasmādupāsako devīṃ prārthayedrūpasvarūpiṇīm
bhogyadravyāṇi sarvāṇi mama snigdhāni mātṛkā
sṛjatu śrīrayaṃ devī bhogabhāvāya bhāminī
śrīdevyāstanayo jajñe ciklīto nāma manmathaḥ
abandhavikrato citte jātaḥ kāmo hi cittajaḥ
ayameva hi saṃsārahetuḥ sarvārthasādhakaḥ
jagatkāmahitaṃ sarvaṃ yena dvaitaphalodayaḥ
yaścākāmahato deho śrotriyo brahmaṇi sthitaḥ
brahma sampatsyate tasya kartavyaṃ na hi vidyate
lakṣmyāstrivargarūpāyā prāptiḥ kāmanibandhanā
tasmācciklītanāmānaṃ lakṣmīputraṃ hi durjayam
kāmadevaṃ samārādhya yatamānaḥ prāpnuyācchriyam
lakṣmīḥ prayatnasādhyā hi yatnaḥ kāmasamudbhavaḥ
tasya dharmāviruddhasya vibhūtitvaṃ haredyataḥ
ciklīta śrīśruta svāmiściraṃ nivasa madgṛhe
matkule suciraṃ tiṣṭha maccitte saṃnidhiṃ kuru
tvadāgamanamātreṇa tvanmātā tvāmanuvrajet
tvayi prītiparā sā hi tavacchando'nuvartinī
śrīdevīṃ tāṃ mama gṛhe ciraṃ vāsaya mātaram
namo'stu tubhyaṃ ciklīta śrīdevyai ca namo namaḥ
etattātparyakaṃ sūktaṃ prajāpeddhrādaśīmṛcam
candramā ṛṣiretasya devatā tvamṛteśvarī
ciklītamātāśrīricchando'nuṣṭubvaṃbījamucyate
catuḥṣaṣṭisahasrāṇi prajāpenmantrasiddhaye
nadyāssamudragāminyāstore bilvatarostaṭe
jalakumbhaṃ samabhyarcya yeṣṭiṃ cābhīṣṭakāṃ caret
yacca yajuṣaśākhāyāmuktamāruṇaketuke
tena tantreṇa sahitaṃ svaśākhoktavidhiṃ caret
prapādānaṃ prakurvīta dyātvānīyameva ca
suvāsinībhyo viprebhyastatpatyebhya eva ca
mṛtsādhyānato devī tuṣyati śrīrhipriyā
tasyāśca bhogyajātaṃ ca tadvicchāsamakālikam
hitaṃ mṛṣṭaṃ samṛddhaṃ ca śuddhaṃ yāvadpekṣitam
tatkuṭumbasya paryāsaṃ tadāśritajanasya ca
tadvāse tatkule ca mahālakṣmīḥ sthirā bhavet || iti
4.13
iti dvādaśī ṛk
trayodaśī ṛk
oṃ || ārdrāṃ puṣkariṇīṃ puṣṭiṃ piṅgalāṃ padmamālinīm
candrāṃ hiraṇmayīṃ lakṣmīṃ jātavedo ma āvaha
4.13-2
mālinīṃ hemapadmaracitasragviṇīṃ sūryamaiśvaryarūpāṃ hiraṇmayīṃ svarṇarūpāṃ me
madrthamāvaha āvāhanaṃ kuru
4.13-3
śrītattve
mamakāro madaśceti vartete pārśvayordvayoḥ
devate gajarūpieyau śrīdevīmabhiṣiñcataḥ
tayoḥ śuṇḍāgrayormātra āśāprītyāhvayābubhau
suvarṇakalaśau tābhyāṃ tṛptipūrṇamambarā'nvaham
hatpadmavāsinī devī cidrūpiṇyabhiṣicyate
dehe gṛhātmake viṣṭatsahānandena viṣṇunā
patāvān gajalakṣmāstu vibhūtervistaro dhruvaḥ
tāṃ smaredabhiṣekādyau puṣṭidāṃ puṣṭirūpiṇīm
kuṅkumābhāṃ svapnadhīgamyāṃ suvarṇāṃ svarṇamālinīm
sūryāmaiśvaryarūpāṃ ca sāvitrīṃ sūryarūpiṇīm
mātamasaṃjñāṃ ca cidrūpāṃ jñānadṛṣṭisvarūpiṇīm
cakṣuḥprakāśadāṃ caiva hiraṇyapracurāṃ tathā
svarṇātmanāvirbhūtāṃ ca jātavedo ma āvaha
ṛcametāṃ japetsthityaṃ paścavaktre divā dvijaḥ
padmākare taṭāke vā pratyahaṃ trisahasrakam
maṇḍalatrayaparyantaṃ vratakīrttāparāyaṇaḥ
suvāsinīśataṃ pūjyaṃ sācā'laṅkāraṃ sadakṣiṇam
siddhau gajāntaraiśvaryamārogyaṃ bhāgyameva ca
sarvārthasiddhimāpnute tu sūryasāyujyamāpnuyāt
maitryādivṛttibhiścādyau virājaḥkaruṇāṃ śriyam
dayādyau vetrahastāṃ ca vratadaṇḍasvarūpiṇīm
piṅgalābhāṃ prasannāsyāṃ padmamālādharāṃ tathā
candrasthāṃ candrarūpāṃ ca candrāṃ candradharāṃ tathā
hiraṇmayīṃ mahālakṣmīmṛcametāṃ japenniśi
ārabhya śuklapakṣasyāmāśveva daśarātriṣu
prāhaiko brahmavṛddhaścaiva japedvṛtaparāyaṇaḥ
dvātriṃśanmāsaparyantaṃ puraścaraṇamucyate
candrasūryamalāmāladya lakṣmīṃ śrīlalitāmambikām
siddho tu sārvabhaumatvaṃ vaśīkaraṇameva ca
pūrṇānandapraviṣṭāṃ ca kīrtibhogaṃ mahaddhanam
prāpyānte candrasāyujyaṃ prā pnotyeva na saṃśayaḥ || iti
iti trayodaśacaturdaśau ṛcau vyākhyāte
4.15
14
pañcadaśī ṛk
oṃ || tāṃ ma āvaha jātavedo lakṣmīmanapagāminīm
yasyāṃ hiraṇyaṃ prabhūtaṃ gāvo dāsyo'śvānvindeyaṃ puruṣānaham
4.16
mantrakalpārṇave
pañcadaśyā ṛcaḥ kubera ṛṣiḥ prastārapaṃktiśchandaḥ | hrīṃ śrīṃ hrīmiti bījāni | dvidhāvibhaktamantreṇa sabījatrayeṇa pañcena trivāramanulomavilomaparivartanataḥ ṣoḍhā nyāsaḥ || dhyānam—
dhyāyellakṣmīṃ prahasitamukhīṃ rājyasahāsanasthāṃ
mudrāśakti sakalavinutāṃ sarvasevyamānām
agno pūjyāmakhilajananīṃ hemavarṇāṃ hiraṇyāṃ
bhāgyopetāṃ bhuvanasukhadāṃ bhārgavīṃ bhūtidhātrīm
4 śrīsū0 bhā0
oṃ || yaḥ śuciḥ prayato bhūtvā juhuyādājyamanvaham
śriyaḥ pañcadaśarcañca śrīkāmaḥ satataṃ japet
4.16.p1.1
oṃ vāṅme manasīti śāntiḥ
atha bhagavantaṃ devā ūcuḥ-he bhagavantaḥ kathaya saubhāgyalakṣmīvidyām
tathetyabravīdbhagavānādinārāyaṇaḥ | sarve devā yūyaṃ avadhānamanaso bhūtvā śṛṇuta | turīyarūpāṃ turīyātītāṃ sarvotkaṭāṃ sarvamantrāsanagatapīṭhopapīṭhadevatāparivṛtāṃ caturbhujāṃ śriyaṃ hiraṇyavarṇāmiti pañcadaśarcamadhyarthyata || atha pañcadaśarcātmakasya śrīsūktasyānandakardamaciklītendirāvutā
ṛṣayaḥ śrīrisyādā ṛcaḥ | caturdaśānāmṛcāmānandādyṛṣayaḥ | hiraṇyavarṇā
dyasyānuṣṭupchandaḥ | kāṃso'smītyasya bṛhatīchandaḥ | tadnyayordvayostriṣṭupchandaḥ | anuṣṭuppunaraṣṭakasya | śeṣasya prastārapaṅktiḥ | agnirdevatā
hiraṇyavarṇamiti bījam | kāṃso'smīti śaktiḥ | hiraṇmayocandrārajatasrajāhiraṇyalajāhiraṇyāyeti praṇavādinamontaiścaturthyantairaṅganyāsāḥ
atha śrīsūktamantrairaṅganyāsāḥ-mastakalocanaśrutighrāṇavadanakaṇṭhabāhudvayahṛdayanābhiguhyapāyūrujānujaṅgheṣu śrīsūktaikaikarcaṃ kramaśo nyaset
amalakamalasaṃsthā tadvaḥpuṣkaravarṇā
karakamaladhṛteṣṭābhītiyugmāmbujā ca
maṇimukuṭavicitrālaṅkṛtākalpajālaiḥ
sakalabhuvanamātā santataṃ śrīḥ śriyai naḥ
tatpīṭhaṃ karṇikāyāṃ sakhādhaṃ śrībījam | vasvādityakalāpadmeṣu śrīsūktagatārdhārdhacā tadvahirarthaśuciriti mātṛkayā ca śriyaṃ yantrāṅgadaśakaṃ ca
vilikhya śrīmāvāhayet | aṅgaiḥ prathamāvṛttiḥ | padmādibhirdvitīyā | lokeśaistṛtīyā | tadgāyudhaisturīyāvṛttirbhavati | śrīsūktenāvāhanādi | ṣoḍaśamupacārairarcayet | ṣoḍaśopacārairjapaḥ
saubhāgyamaikākṣaryā bhṛgunicṛdbṛhatyaśrīśriyaḥ ṛṣyādayaḥ | śamīti bījaśaktiḥ | śrīmityādi ṣaḍaṅgam
4.16.p1.2
bhūyādbhūyo dvipadmābhayavaradakarā taptakārtasvarābhā
śubhrābhrābhebhayugmadvayakaradhṛtakumbhābhrirābhiṣicyamānā
ratnaughāvaddhamaulirvimalataradukūlārtabālepanāḍhyā
padmāsīnā padmanābhorasi kṛtavasatiḥ padmagā śrīḥ śriyai naḥ
tatpīṭhamaṣṭapatraṃ vṛttatrayaṃ dvādaśarāśiṣoḍaśaṃ caturasraṃ ramāpīṭhaṃ bhavati
karṇikāyāṃ sakhādhaṃ śrībījam | vibhūtirunnatiḥ kāntispuṣṭiḥ kīrtiḥ
sthitirnatirguṣṭiṣṭakkīṣṭi addhiriti praṇavādinamontaiścaturthyantairvaśaktiḥ
yaṃjet| mantraḥ prathamāvṛttiḥ| vāsudevādibhirdvitīyā| bālakyādibhistṛtīyā| indrādibhiścaturthī bhavati| dvādaśalakṣajapaḥ| śrīlakṣmīrdharadā viṣṇupatnī vasupradā hiraṇyarūpā svarṇarūpā| svarṇamālinī rajatasrajā svarṇaprabhā svarṇaprākārā padmavāsinī padmahastā padmapriyā muktāḷṅkārā candrā sūryā bilvapriyā īśvarī bhuktimuktivibhūtiḥ ṛddhiḥ samṛddhiḥ vṛṣṭiḥ puṣṭirdhanadā dhaneśvarī śraddhā bhoginī bhogadā sāvitrī dhātryādayaḥ praṇavādimontā śruturthantā mantrāḥ| ekākṣaravadaṅgādipīṭham| lakṣajapaḥ| daśāṃśaṃ tarpaṇam| śatāṃśaṃ havanam| sahasrāṃśadvijatṛptiḥ| niṣkāmānāmeva śrīvidyāsiddhiḥ na kadāpi sakāmānāmiti
atha hainaṃ devo ūcusturīyayā māyayā nirdiṣṭaṃ tattvaṃ brūhoti| tatheti sa hovāca—
yogena yogo jñātavyo yogo yogātpravardhate
yo'mattastu yogena sa yogī ramate ciram
samāpahya nidrāṃ sujīrṇāharabhojo śramatyājyavādhe vivikta pradeśe
sadā sota nistṛṣṇa eṣa prayatno'yavā prāṇarodho nijābhyāsamārgāt
vaktreṇa pūryaṃ vāyuṃ hutavahanilaye pānamākṛṣya dhūvā
svāṅguṣṭhāṅgulībhirvarakaratalayoḥ ṣaḍbhirevaṃ nirudhya
4.16.p1.3
śrotre netre ca nāsāpuṭayugalamadho'nena mārgeṇa samyak
paśyanti pratyayāṃsaṃ praṇavabahuvidhadhyānasaṃlīnacittāḥ
śravaṇamukhanayananāsānirodhanenaivaṃ kartavyaṃ śuddhasubuddhāsaraṇo sphuṭa
mamalaṃ śrūyate nādaḥ
vicitraghoṣasaṃyukto'nāhate śrūyate dhvaniḥ
divyadehaśca tejasvī divyagandhoparyarogavān
saṃpūrṇahṛdayaḥ śūnye tvārambhe yogavānbhavet
dvitīyāṃ vighaṭīkṛtya vāyurbhavati madhyagaḥ
dṛḍhāsano bhavedyogī padmādyāsanasaṃsthitaḥ
viṣṇugranthestato bhedātvaramānandasaṃbhavaḥ
atiśūnyo vimardaśca merośabdastato bhavet
tṛtīyāṃ yatnato bhitvā ninādo mardaladhvaniḥ
mahāmyaṃ tato yāti sarvaviddhisamāśrayam
cittānandaṃ tato bhitvā sarvānīragatānilaḥ
niṣpattau vaiṣṇavaḥ śabdaḥ kaṇanītikvaṇo bhavet
ekībhūtaṃ tadā cittaṃ sanakādimunīḍitam
ante 'nantaṃ samāropya khaṇḍe khaṇḍaṃ samarpayan
bhūmānaṃ prakṛtiṃ dhyātvā kṛtakṛtyo'mṛto bhavet
yogena yogaṃ saṃhatya bhāvaṃ bhāvena cāñjasā
nirvikalpaṃ paraṃ tattvaṃ sadā bhūtvā paraṃ bhavet
ahaṃbhāvaṃ parityajya jagadbhāvamanīdṛśam
nirvikalpasthito vidvān bhūyo nāpyanuśocati
salile saindhavaṃ yadvatsāmyaṃ bhavati yogataḥ
tathātmamanasoraikyaṃ samādhirabhidhīyate
yadā saṃkṣīyate prāṇo mānasaṃ ca pratīyate
tadā samarasatvaṃ yatsamādhirabhidhīyate
yassamatvaṃ tayoratra jīvātmaparamātmanoḥ
samastanaṣṭasaṃkalpassamādhirabhidhīyate
prabhāśūnyaṃ manaḥśūnyaṃ buddhiśūnyaṃ nirāmayam
sarvaśūnyaṃ nirābhāsaṃ samādhirabhidhīyate
svayamuccarite dehe dehī nityasamādhinā
niścalaṃ te vijānīyātsamādhirabhidhīyate
yatra yatra mano yāti tatra tatra paraṃ padam
4.16.p1.4
tatra tatra paraṃ brahma sarvatra samavasthitam|| iti
atha hainaṃ devā ūcurnavacakravivekamanumūhoti
tatheti sa hovāca| mūlādhāre brahmacakraṃ trirāvṛttibhagamaṇḍalākāraṃ tatra mūlakaṃ devaśaktiḥ| pāvakākāraṃ dhyāyettatraiva kāmarūpapīṭhaṃ sarvakāmaphalapradaṃ bhavati| ityādhāracakram
dvitīyaṃ svādhiṣṭhānacakraṃ ṣaḍdalaṃ tanmadhye paścimābhimukhaṃ liṅgaṃ pravālāṅkurasadṛśaṃ dhyāyettatraivoḍḍayānapīṭhaṃ jagadākarṣaṇasiddhidaṃ bhavati
tṛtīyaṃ nābhicakraṃ paścāvartaṃ sarvakuṭilākāraṃ tanmadhye kuṇḍalinīṃ bālārkakoṭiprabhāṃ tanumadhyāṃ dhyāyet| kāmārthaśaktisarvasiddhipradā bhavati
maṇipūrakacakraṃ hṛdayacakramanāhatadalādhomukham| tanmadhye jyotirmayaliṅgākāraṃ dhyāyet| saiva haṃsakalā sarvapriyā sarvalokavaśyakarī bhavati
kaṇṭhacakraṃ caturdalam| tatra vāme iḍā candranāḍī dakṣiṇe piṅgalā sūryanāḍī| tanmadhye suṣumṇāṃ śvetavarṇāṃ dhyāyet| ya evaṃ [...] vido bhavati
tālucakraṃ tatrāmṛtadhārāpravāhaḥ| ghaṇṭikāliṅgamūlacakrakarandhre rājadantāvalambanovivaraṃ daśamadvāraṃ tatra śūnyaṃ dhyāyeccittalayo bhavati
ṣaṣṭhaṃ bhūcakramaṅguṣṭhamātraṃ tatra jñānanetraṃ dīpaśikhākāraṃ dhyāyet| tadeva pālakadaṃ vāksiddhidaṃ bhavati
ājñācakramaṣṭamaṃ brahmarandhranirvāṇacakraṃ tatra sūcikāgṛhetaraṃ dhūmraśikhākāraṃ dhyāyet| tatra jālandharapīṭhaṃ mokṣapradaṃ bhavati| iti
4.16.p1.5
parabrahmacakraṃ navamamākāśacakram| tatra ṣoḍaśadalapadmamūrdhvamukhaṃ tanmadhyakarṇikā trikūṭākārā tanmadhye ūrdhvaṃ śaktikāṃ paśyan dhyāyet| tatraiva pūrṇagiripīṭhaṃ sarveṣṭasiddhisādhanaṃ bhavati || saubhāgyalakṣmyupaniṣadaṃ nityamadhīte so'gnipūto bhavati| sa vāyupūto bhavati| sakaladhanadhānyasatputrakalatrahayabhūgajapaśumahiṣīdāsīdāsayogyajñānavān bhavati| na sa punarāvartate na sa punarāvartata ityupaniṣat
oṃ vāṅme manasīti śāntiḥ || śrīrastu
iti śrīsaubhāgyalakṣmyupaniṣatsamāptā
Linked texts (1)
- Aṣṭottaraśatopaniṣadaḥ — Sanskrit