Different Upanishads 31.3
Different Upaniṣads 31.3
- Language
- Sanskrit
31.3
prāṇaṃ devā anuprāṇanti| manuṣyāḥ paśavaśca ye| prāṇo hi
bhūtānāmāyuḥ| tasmātsarvāyuṣamucyate| sarvameva ta āyuryanti
ye prāṇaṃ brahmopāsate| prāṇo hi bhūtānāmāyuḥ| tasmātsarvāyuṣamucyata iti| tasyaiṣa eva śārīra ātmā| yaḥ pūrvasya
tasmādvā etasmātprāṇamayāt anyo'ntara ātmā manomayaḥ
tenaiṣa pūrṇaḥ| sa vā eṣa puruṣavidha eva| tasya puruṣavidhatānvayaṃ puruṣavidhaḥ| tasya yajureva śiraḥ| ṛgdakṣiṇaḥ pakṣaḥ
sāmottaraḥ pakṣaḥ| ādeśa ātmā| atharvāṅgirasaḥ pucchaṃ pratiṣṭhā| tadapyeṣa śloko bhavati
iti tṛtīyo'nuvākaḥ