Gaudapadiya 9.1-2

9.1-2

cityādi sakartṛkaṃ kāryyatvāt ghaṭavat sakartṛkatvañca upādāna gocarāparokṣajñānacikīrṣākṛtimajjanyatvam| āyojanāṃ
karmma evañca sargādyakālīnadyaṇukakārakaparamāṇudvayasaṃyogajanakaṃ
karmma cetana prayatnapūrvakaṃ karmmatvāt asmadādiśarīrakriyāvat
dhṛtīti brahmāṇḍādi patanapratibandhakībhūtaprayatnavadadhiṣṭhitaṃ dhṛtimattvāt viyati vihaṅgama dhṛtakāṣṭhavat dhṛtiśca gurutvavatāṃ patanābhāvaḥ| ityāderityādipadāt nāśaparigrahaḥ brahmāṇḍādi prayatnavadvināśyaṃ vināśyitvāt pāṭhyamānapaṭavat| padāt padyate'nene
tivyutpattyāpadaṃ vyavahāraḥ padādisampradāya vyavahāraḥ svatantrapuruṣaprayojyaḥ vyavahāratvāt ādhunikalipyādivyavahāravat
pratyayataḥ prāmāṇyāt vedajanyajñānaṃ kāraṇaguṇajanyaṃ pramātvāt
pratyakṣādipramāvat| śrutervedāt vedaḥ pauruṣeyovedatvāt āyurvedavat| kiñca vedaḥ pauruṣeyovākyatvāt bhāratavat vedavākyāni
pauruṣeyāṇi vākyatvāt asmadādivākyavat| saṃkhyāviśeṣāt
dyaṇukaparimāṇaṃ saṃkhyājanyaṃ parimāṇapracayājanyatve sati janyapari
māṇatvāt tulya parimāṇakapāladvayārabdhaghaṭaparimāṇāt prakṛṣṭa
tādṛśakapāladvayārabdha ghaṭaparimāṇavat aṇuparimāṇañca na parimāṇajanakaṃ nityaparimāṇatvāt aṇuparimāṇatvādvā evañca sargādau
dyaṇukaparimāṇa hetuparamāṇuniṣṭha dvitvasaṃkhyā na nāsmadādyapekṣābuddhijā atastadānīntanāpekṣābuddhirīśvarasyaiveti| viśvavidvavyaiti viśiṣṭa sādhyayatvaṃ tena nityasarvvaviṣayakajñānasiddhiḥ