Kaishitaki ? 4.20

4.20

athāsminprāṇa evaikadhā bhavati tadenaṃ vāk sarvairnāmabhiḥ sahāpyeti cakṣuḥ sarvaiḥ rūpaiḥ sahāpyeti śrotraṃ sarvaiḥ
śabdaiḥ sahāpyeti manaḥ sarvairdhyānaiḥ sahāpyeti sa yadā
pratibudhyate yathāgnerjvalataḥ sarvā diśo visphuliṅgā vipratiṣṭherannevamevaitasmādātmanaḥ prāṇā yathāyatanaṃ vipratiṣṭhante prāṇebhyo devā devebhyo lokāḥ sa eṣa prāṇa eva
prajñātmedaṃ śarīramātmānamanupraviṣṭa ālomabhya ānakhebhyastadyathā cchuraḥ cchuradhāne 'vopahito† viśvambharo vā
viśvambharakulāya evamevaiṣa prajñātmedaṃ śarīramātmānamanupraviṣṭa ālomabhya ānakhebhyastametamātmānameta
śrātmāno'nvavasyante yathā śreṣṭhinaṃ svāstadyathā śreṣṭho
svairbhuṅke yathā vā svāḥ śreṣṭhinaṃ bhuñjantyevamevaiṣa †prajñātmaitairātmabhirbhuṅkta ‡evamevaita ātmāna etamātmānaṃ
bhuñjanti sa yāvaddha vā indra etamātmānaṃ na vijajñe tāvadenamasurā abhibabhūvuḥ sa yadā vijajñe'tha hatvāsurānvijitya sarveṣāñca devānāṃ sarveṣāñca bhūtānāṃ śraiṣṭhyaṃ
svārājyamādhipatyaṃ paryaittatho evaivaṃ vidvān sarvān
pāpmano'pahatya sarveṣāñca bhūtānāṃ śraiṣṭhyaṃ svārājyamādhipatyaṃ paryeti ya evaṃ veda ya evaṃ veda