Kaṭha Upaniṣad 1.2.8-2

Kaṭhaprakāśikā (Raṅgarāmānuja) 1.2.8-2

Language: Sanskrit

1.2.8-2

su. - akaraṇe anarthamāha - yasya alpamedhaso gṛhe brāhmaṇo atithibhūtaḥ anaśnan vasati - aśanam alabhamāno vasati | etat - idamatitheḥ anaśanajanim āgaḥ, tasya gṛhamedhinaḥ āśāpratīkṣādikaṃ sarvaṃ vṛṅkte - nāśayati ityetat | āśā - alabdhalābhecchā, pratīkṣā - labdhasya bhogavāñchā, saṅgamam - sādhusaṅgamam, sūnṛtā - priyavāṇī, iṣṭam - yāgaḥ, pūrtam - khātādi | yacca vāñcitaṃ yacca satsaṅgasūnṛteṣṭāpūrtādijanyaṃ sukṛtam, putrapaśvādikaṃ yatpriyam, tadakhilaṃ naśyati atithim asatkurvataḥ alpamedhasaḥ iti bhāvaḥ ||

Previous: 1.2.8.p6
Next: 1.2.9
Up: 1.2

Linked texts (1)

Kaṭhopaniṣad — Sanskrit