Kaṭha Upaniṣad 2.15.p5

Kaṭhaprakāśikā (Raṅgarāmānuja) 2.15.p5

Language: Sanskrit

2.15.p5

tapām̐si sarvāṇi ca iti | tapām̐si - tapaḥ pradhānā uparitanabhāgāḥ iti vyāsāryairvyākhyātam | yadicchanto brahmacaryaṃ caranti | brahmacaryam - gurukulavāsastrīsaṅgarāhityādilakṣaṇaṃ1 yadicchanto'nutiṣṭhanti | tatte padam iti | saṅgṛhyate anena iti saṅgrahaḥ śabdaḥ | prāpyavaktavyatvapratijñāpare asminmantre arthāt praṇavapraśaṃsāyā lābhāt praṇavaṃ praśasya iti bhāṣyasya ca; sarve vedā ityādipādatrayoktabrahmapratipādakatayā praśasya ityarthaḥ iti śrutaprakāśikāvacanasya ca na anupapattiḥ iti draṣṭavyam | saṅkṣepeṇa tatpratipādakaṃ kimityata āha - omityetat iti | oṃ tatsaditi nirdeśo brahmaṇastrividhassmṛtaḥ

Previous: 2.15.p4
Next: 2.15-2
Up: 2.15

Linked texts (1)

Kaṭhopaniṣad — Sanskrit