Kaṭha Upaniṣad 2.20-2

Kaṭhaprakāśikā (Raṅgarāmānuja) 2.20-2

Language: Sanskrit

2.20-2

ātmabhūtasya mahimānam - aṇoraṇīyastvādirūpaṃ mahimānam, yo'kratuḥ - kāmyakarmaṇi anāsaktaḥ, paśyati - cintayati, uktamahimaviśiṣṭaṃ taṃ yaḥ paśyati ityetat | saḥ dhātuḥ tasya prasādāt vītaśoko bhavati |
yadvā - yo'yamasya ātmano mahimā - aṇoraṇīyastu ādirūpaḥ, taṃ na sarve sākṣātkartuṃ kṣamāḥ, kaścideva akratuḥ - akāmaḥ, bāhyeṣu aniviṣṭamanāḥ, tadekakāmaḥ ityetat | tasyaiva dhātuḥ prasādāt vītaśokaḥ paśyati | tādṛśamahimaviśiṣṭaṃ taṃ sākṣātkaroti ityetat | dhātuprasādāt iti pāṭhe dhātoḥ - dhārakasya tasyetyarthaḥ | dhātavaḥ - manaḥ prabhṛtīni, śarīradhāraṇāt, teṣāṃ prasādena nairmalyeneti vārthaḥ ||

Previous: 2.20.p10
Next: 2.21
Up: 2

Linked texts (1)

Kaṭhopaniṣad — Sanskrit