Kaṭha Upaniṣad 2.20.p4

Kaṭhaprakāśikā (Raṅgarāmānuja) 2.20.p4

Language: Sanskrit

2.20.p4

nanu na jāyate ityupanyastasya ātmanaḥ jāyamānavācijantuśabdena parāmarśasya anupapannatayā, asya jantoḥ ityasya pratyakṣādisannidhāpitadehaparatāyā eva vaktavyatvena, tadguhāhita ātmā prāgupanyasto jīva evāstu | na ca kartṛtvabhoktṛtvādiviśiṣṭatayā sadā ahamiti bhāsamāne jīve, kastaṃ madāmadaṃ devaṃ madanyo jñātumarhati (ka.u.2-21), ka itthā veda yatra saḥ (ka.u.2-25) iti uttarasandarbhapratipādya1durvijñānatvam, kathamanvetīti vācyam; jīvasya kartṛtvādiviśiṣṭatayā sarvalokaviditattve'pi, muktaprāpyabrahmasvarūpa2viśiṣṭatayā durvijñānatvasambhavāditi cet - na; prāṇī tu cetano janmī jantujanyaśarīriṇaḥ (a.ko.1-4-30) iti jantuśabdasya cetanaparyāyatayā prakṛtajīvavācitvasambhavāt |

Previous: 2.20.p3
Next: 2.20.p5
Up: 2.20

Linked texts (1)

Kaṭhopaniṣad — Sanskrit