Kaṭha Upaniṣad 2.22-2.p3

Kaṭhaprakāśikā (Raṅgarāmānuja) 2.22-2.p3

Language: Sanskrit

2.22-2.p3

ā.bhā. - evaṃ mantradvayena prāpyasya paramātmanaḥ svarūpamabhidhāya, mantradvayena upāyasya svarūpam abhidhātumāha - aśarīram iti | aśarīram - śīryate iti śarīram, vapuḥ tadrahitam | viśaraṇasvabhāvasya karmajanyatvena karmaṇaḥ paramātmanyabhāvena karmajanyaśarīrarāhityamevātra vivakṣitam | aprākṛtanityaśarīravattvasya tatra ādityavarṇaṃ tamasaḥ parastāt (śve.u.3-8) ityādiṣu śravaṇāt | anavastheṣu - avasthā sadātanī sthitiḥ sā nāsti yeṣāṃ tāni anavasthāni teṣu avinaśvareṣu śarīreṣu, avasthitam - antaryāmitayā sakalaprāṇiśarīreṣu vartamānamityarthaḥ | mahāntam mahato mahīyān (ka.u.2-20) ityuktarītyā sarvātiśāyimahattvaviśiṣṭam | vibhum - ākāśavatsarvagataśca nityaḥ

Previous: 2.22-2.p2
Next: 2.22-3
Up: 2.22-2

Linked texts (1)

Kaṭhopaniṣad — Sanskrit