Kaṭha Upaniṣad 2.22-3

2.22-3

( ) ityuktarītyā sarvavyāpakam | ātmānam - paramātmasvarūpam, mattvā - samupāsya, bhaktirūpāpannadarśanasamānākārajñānaviṣayaṃ vidhāya, dhīraḥ - etādṛśajñānavān, na śocati - śokasamudrapāraṃ gacchati, sarvaduḥkhātigo bhavati |
su. - evaṃ dvābhyāṃ prāptuḥ pratyagātmanaḥ svarūpam uktam | dvābhyāṃ ca prāpyasya paramātmanaḥ svarūpamuktam | atha upāyasvarūpamāha - aśarīram iti | śīryata iti śarīram, viśaraṇasvabhāvaṃ vapuḥ tadrahitaḥ, tatprayojakakarmābhāvāt | athā'pi anavastheṣu śarīreṣu avasthitam - asthireṣu suranaratiryagādi nānāśarīreṣu antaryāmitayā sthitam |
yadvā - śarīreṣu anavastheṣu avasthitam athā'pi aśarīram, tatsaṃsargakṛtasukhaduḥkhādyananvayāt | anaśnan anyo abhicākaśīti (muṃ.u.3-1-1)| ata eva vibhum - vaibhavaśālitvādvā vibhum | mahāntaṃ vibhum - mahāvaibhavaśālinamityetat | evaṃ bhūtam, ātmānam - paramātmānam, dhīro matvā na śocati - saṃsārikaduḥkhānnivṛtto bhavatītyarthaḥ ||