Kaṭha Upaniṣad 6.2.10.p2

Kaṭhaprakāśikā (Raṅgarāmānuja) 6.2.10.p2

Language: Sanskrit

6.2.10.p2

pra. - yadā pañca iti | jñāyate anena iti vyutpattyā, jñānāni indriyāṇi ityarthaḥ | sapta gateḥ (bra.sū . 2-4-2) ityadhikaraṇe vyāsāryaiḥ tathā vyākhyātattvāt| adhyavasāyopetaṃ mana eva buddhiśabdena ucyate | ata eva tatra bhāṣyam - adhyavasāyābhimānacintāvṛttibhedāt mana eva buddhyahaṅkāracittaśabdaiḥ vyapadiśyate iti | śarīrāntassañcaraṇaṃ vihāya mokṣārthagamanaṃ paramā gatiḥ iti tatraiva spaṣṭam |

Previous: 6.2.10.p1
Next: 6.2.10.p3
Up: 6.2.10

Linked texts (1)

Kaṭhopaniṣad — Sanskrit