Kaṭha Upaniṣad 6.2.10.p3

Kaṭhaprakāśikā (Raṅgarāmānuja) 6.2.10.p3

Language: Sanskrit

6.2.10.p3

ā.bhā. - manasaḥ tādṛśabuddhikṛtaḥ saṃskāraḥ kadā bhavati ityatrāha yadā pañcajñānāni - jñānasādhanāni indriyāṇi , manasā saha - brahmaṇyeva, avatiṣṭhante - sthirībhavanti, manasi paramātmapravaṇe,1 svasvaviṣayavinivṛttāni2 indriyāṇi, tatraiva saha manasā dhṛtāni bhavanti, buddhiśca - adhyavasāyalakṣaṇā, na viceṣṭeta - vyāpārarahitāsvatiṣṭheta, tām - īdṛśīṃ prasiddham indriyadhāraṇameva, paramāṃ gatim - gamyate anayā iti gatiḥ gamanasādhanam tasyāḥ paramatvaṃ mokṣarūpotkṛṣṭa- phalasādhanatvameva | īdṛśa indriyadhāraṇaiva mokṣasādhanam iti āhuḥ - paramātmatattva vidaḥ ||

Previous: 6.2.10.p2
Next: 6.2.10.p4
Up: 6.2.10

Linked texts (1)

Kaṭhopaniṣad — Sanskrit