Katha Upanishad 2.7

Commentary of Śaṅkarācārya of Śaṅkarācārya 2.7

Language: Sanskrit

2.7

prāyeṇa hyevaṃvidha eva lokaḥ | yastu śreyorthī sa sahasreṣu kaścidevātmavidbhavati tvadvidhaḥ yasmāt śravaṇāyāpi śravaṇārthaṃ śrotumapi yaḥ na labhyaḥ ātmā bahubhiḥ anekaiḥ, śṛṇvanto'pi bahavaḥ aneke anye yam ātmānaṃ na vidyuḥ na vidanti abhāginaḥ asaṃskṛtātmāno na vijānīyuḥ | kiṃca, asya vaktāpi āścaryaḥ adbhutavadeva, anekeṣu kaścideva bhavati | tathā śrutvāpi asya ātmanaḥ kuśalaḥ nipuṇa evānekeṣu labdhā kaścideva bhavati | yasmāt āścaryaḥ jñātā kaścideva kuśalānuśiṣṭaḥ kuśalena nipuṇenācāryeṇānuśiṣṭaḥ san ||

Previous: 2.6
Next: 2.8
Up: 2

Linked texts (1)

Kaṭhopaniṣad — Sanskrit