Kaṭha Upaniṣad 3.4

Commentary of Śaṅkarācārya of Śaṅkarācārya 3.4

Language: Sanskrit

3.4

indriyāṇi cakṣurādīni hayānāhuḥ rathakalpanākuśalāḥ, śarīrarathākarṣaṇasāmānyāt | teṣu indriyeṣu hayatvena parikalpiteṣu gocarān mārgān rūpādīnviṣayān viddhi | ātmendriyamanoyuktaṃ śarīrendriyamanobhiḥ sahitaṃ saṃyuktamātmānaṃ bhokteti saṃsārīti āhuḥ manīṣiṇaḥ vivekinaḥ| na hi kevalasyātmano bhoktṛtvamasti ; buddhyādyupādhikṛtameva tasya bhoktṛtvam | tathā ca śrutyantaraṃ kevalasyābhoktṛtvameva darśayati— ‘dhyāyatīva lelāyatīva’ ityādi | evaṃ ca sati vakṣyamāṇarathakalpanayā vaiṣṇavasya padasyātmatayā pratipattirupapadyate, nānyathā, svabhāvānatikramāt ||

Previous: 3.3
Next: 3.5
Up: 3

Linked texts (1)

Kaṭhopaniṣad — Sanskrit