Kaṭha Upaniṣad 6.14

Commentary of Śaṅkarācārya of Śaṅkarācārya 6.14

Language: Sanskrit

6.14

evaṃ paramārthātmadarśino yadā yasminkāle sarve kāmāḥ kāmayitavyasyānyasyābhāvāt pramucyante viśīryante; ye asya prākpratibodhādviduṣo hṛdi buddhau śritāḥ āśritāḥ; buddhirhi kāmānāśrayaḥ nātmā, ‘kāmaḥ saṃkalpaḥ' ityādiśrutyantarācca; atha tadā martyaḥ prākprabodhādāsīt sa prabodhottharakālamavidyākāmakarmalakṣaṇasya mṛtyorvināśāt amṛto bhavati gamanaprayojakasya mṛtyorvināśādgamanānupapatteḥ | atra ihaiva pradīpanirvāṇavatsarvabandhanopaśamāt brahma samaśnute brahmaiva bhavatītyarthaḥ ||

Previous: 6.13
Next: 6.15
Up: 6

Linked texts (1)

Kaṭhopaniṣad — Sanskrit