Kauṣītaki Upaniṣad 2.1

2.1

prāṇo brahmeti ha smāha koṣītakiḥ | tasya ha vā etasya prāṇasya brahmaṇo mano dūtaṃ cakṣurgoptṛ śrotraṃ saṃśrāvayitṛ vāk pariveṣṭrī | sa yo ha vā etasya prāṇasya brahmaṇo mano dūtaṃ veda, dūtavān bhaghavati | yaścakṣurgoptṛ, goptṛmān bhavati | yaḥ śrotraṃ saṃśrāvayitṛ, saṃśrāvayitṛmān bhavati | yo vācaṃ pariveṣṭrīm pariveṣṭṭīmān bhavati | tasmai vā etasmai prāṇāya brahmaṇa etāḥ sarvā devatā āyācamānāya baliṃ haranti | evaṃ haivāsmai sarvāṇi bhūtānyayācamānāyaiva baliṃ haranti, ya evaṃ veda | syopaniṣat, na yācediti | tad yathā grāmaṃ bhikṣitvā'labdhvopaviśet, nāhamato dattamaśnīyāmiti | ta evainamupamantrayante, ye purastāt pratyācakṣīran | eṣa dharmo'yācato bhavati | annādāstvevainamupamantrayante, dadāma ta iti ||