Kaushitakopanishad 2.9

Kauṣītakopaniṣad 2.9

Language: Sanskrit

2.9

atha paurṇamāsyāṃ purastāccandramasaṃ dṛśyamānamupatiṣṭhetaitayaivāvṛtā somo rājāsi vicakṣaṇaḥ pañcamukho'si prajāpatirbrāhmaṇasta ekaṃ mukhaṃ tena mukhena
rājño'tsi tena mukhena māmannādaṃ kuru rājā ta ekaṃ
mukhaṃ tena mukhena viśo'tsi tena mukhena māmannādaṃ kuru
śyenasta ekaṃ mukhaṃ tena mukhena pakṣiṇo'tsi tena mukhena
māmannādaṃ kurvvagniṣṭa ekaṃ mukhaṃ tenemaṃ lokamatsi tena
mukhena māmannādaṃ kuru tvayi pañcamaṃ mukhaṃ tena mukhena
sarvāṇi bhūtānyatsi tena mukhena māmannādaṃ kuru māsmākaṃ prāṇena prajayā paśubhirapakṣeṣṭhā yo'smān dveṣṭi
yañca vayaṃ dviṣmastasya prāṇena prajayā paśubhirapakṣīyasveti daivīmāvṛtamāvartaṃ ādityasyāvṛtamanvāvarta iti
dakṣiṇaṃ bāhumanvāvartate

Previous: 2.8
Next: 2.10
Up: 2

Linked texts (8)

Īśādiviṃśottaraśatopaniṣadaḥ — Sanskrit
Śāṅkhāyanāraṇyaka — Sanskrit
Aṣṭottaraśatopaniṣadaḥ — Sanskrit
Aṣṭottaraśatopaniṣad — Sanskrit
Upaniṣads — Sanskrit
Upaniṣatsaṃgraha — Sanskrit
Kaiṣītaki ? — Sanskrit
Śāṅkhāyanīyopaniṣad — Sanskrit